Në shtator të vitit 2020, Isa Aliu, 54 vjeç nga Elbasani, shkëmbeu një makinë për një tokë me vlerë 4.1 mi...
SHOWBIZ
Arbana Osmani rikthehet në ekran, do të drejtojë “Ferma VIP”! Emrat e personazheve që ka kërkuar!
PiranjatPërditësimi i fundit 7 Shkurt 2026, 10:11
Tashmë nuk ka dyshime, Arbana Osmani do të rikthehet në ekran. Burime kanë konfirmuar se moderatorja do të drejtojë “Ferma VIP”, duke u rikthyer kështu tek spektaklet ‘reality’. Vetë Arbana deri më tani ka preferuar që mos të flasë për këtë sipërmarrje të sajën, por detajet kanë nisur që të qarkullojnë.
Sezoni i ardhshëm i “Ferma VIP” do të nisë në mars, duke ardhur totalisht me një koncept të ri televiziv. Një ndër kushtet që Arbana ka vendosur është që të ketë ‘dorë të lirë’ edhe tek përzgjedhja e kastit. Dhe nga ajo që kemi mundur të mësojmë, është se këtë vit, emrat e VIP-ave që do të marrin pjesë, do të jenë personazhe më të njohur se vitet e shkuara.
Ndër emrat e përfolur janë edhe disa nga personazhet e “Big Brother” ndër vite, që kanë qenë edhe të ftuar në emisionin e Arbanës në “Mirëmbrëma Yje”. Por jo vetëm moderimi do të jetë risi. Edhe regjia do të jetë tërësisht e re, nën drejtimin e Eduart Grishajt.
Rikthimi në ekran i saj, nënkupton edhe disa kushte që prezantuesja i ka vendosur produksionit, si për pagesën, ashtu edhe për kastin e personazheve që do të marrin pjesë në këtë spektakël.
Ajo çfarë dihet me siguri është fakti se një ofertë shumë bujare është bërë për të, të cilën vetë Arbana ka vendosur që ta pranojë. Është aluduar në rrjet për largimin e saj nga televizioni ku punoi për vite me radhë në programe të ndryshme, ajo i dha të gjitha përgjigjet. Këto të fundit, nuk i përngjasojnë atyre që shpesh jemi mësuar të dëgjojmë. “2 vite më parë, ndoshta në këtë orë, në një studio të madhe me shumë drita, në programin që kishte mbërthyer shqiptarët brenda dhe jashtë kufijve, e vetmja gjë që mezi po prisja të ndodhte ishte që ai program të mbaronte! Isha në pozicionin më të lakmuar që një prezantues televiziv mund të ketë, audiencë maksimale, sukses i jashtëzakonshëm, rroga me shumë zero, kontrata marketingu, tituj në portale.
Afërmendsh, kushdo që ishte afër meje asokohe dhe dëgjonte që thosha se vitin tjetër nuk do të isha më në prezantimin dhe drejtimin e ‘Big Brother’, më thoshte se po ja fus kot, se po bëj shumë gabim! Se është maja e spektaklit, se do ishte fundi i karrierës time, se do më mbylleshin të gjitha dyert, se nuk ka asnjë njeri të pazëvendësueshëm, se do pendohesha. Natyrisht, një pjesë dolën të vërteta. E pavarësisht korit që kisha kundër atë kohë, unë vendosa të largohesha, jo pa keqardhje, por se po humbisja diçka më të rëndësishme se suksesi, ambicia dhe paratë. Se po humbisja veten time!”, – u shpreh prezantuesja.
