Ndërsa sulmuesi i Ekuadorit, Enner Valencia, nxitoi drejt golit të Curacaos brenda tre minutave të para, rezultati dukej i pashmangshëm.
...
SHOWBIZ
Babai i Malit jep versionin e tij për dramën në familjen e tyre
PiranjatPërditësimi i fundit 5 Janar 2026, 22:25
Babai i Mal Retkocerit, Faik Retkoceri, ka folur publikisht për herë të parë pas zhurmës së madhe që u krijua rreth raportit të tij me familjen. Në një intervistë për “Prive by Liberta Spahiu”, ai ka dhënë versionin e vet për ndarjen nga këngëtarja Violeta Kukaj dhe përse, sipas tij, marrëdhënia me fëmijët ka përfunduar në një distancë kaq të gjatë.
Retkoceri e ka vendosur theksin te një pikë: ai pretendon se shkëputja me Malin nuk ka ardhur si vendim i lirë i djalit, por si pasojë e ndikimit të drejtpërdrejtë të ish-bashkëshortes. Sipas tij, Mali “nuk guxon” ta takojë, sepse jeton me të ëmën dhe varet prej saj në çdo aspekt. Në intervistë, Faiku e përshkruan situatën si një realitet “nën komandë”, ku hezitimi i Malit për të pranuar kontaktin nuk ka qenë mungesë dëshire, por frikë nga reagimi i së ëmës.
Duke u kthyer pas në kohë, ai ka pohuar se familja ka pasur një periudhë të qetë dhe se fëmijët, siç u shpreh ai, “kanë jetuar si pëllumba”. Retkoceri pretendon se Violeta Kukaj është trajtuar me respekt nga ai dhe familja e tij, por sipas tij, klima në shtëpi ndryshoi papritur dhe konfliktet nisën të thellohen. Në deklaratat e tij, ai ia atribuon ish-bashkëshortes përgjegjësinë kryesore për prishjen e raportit familjar, duke sugjeruar se ajo ka ndikuar edhe te fëmijët.
Sa i takon shkakut të krisjes martesore, Faiku ka përmendur një arsye ekonomike: ai thotë se problemet nisën gjatë një renovimi shtëpie, në një periudhë kur kishin vështirësi me shlyerjen e kredisë, situatë që sipas versionit të tij u kthye në pikënisje të përplasjes dhe më pas të ndarjes.
Në këtë rrëfim është përfshirë edhe nëna e Faikut, gjyshja e Malit. Ajo ka zgjedhur një ton më emocional: ka shprehur mallin për nipin dhe i ka dërguar një mesazh mbështetjeje, duke uruar që Mali të dalë fitimtar në rrugëtimin e tij në “Big Brother VIP Albania”.
