Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
SHOWBIZ
E la sepse luante bixhoz, ish-banorja e BBVK i rikthehet historisë me Getinjon: Periudha më e errët për mua
PiranjatPërditësimi i fundit 11 Tetor 2025, 13:31
Ish-banorja e Big Brother Vip Kosova, Vivien Thano, i është rikthyer dhe njëherë historisë së saj të kaluar me reperin Getinjo. Të dy ata u njohën në shtëpinë e BBVK dhe nisën një marrëdhënie që zgjati dhe disa kohë jashtë formatit. E ftuar në ‘Top Albania Rado’, Vivien ka komentuar dhe dekaratën e famshme të dhënë disa kohë me parë, ku tha se shkaku kryesor i ndarjes ishte se Getinjo ishte i varur nga lojërat e fatit.
Sot, ajo nuk tërhiqet nga ajo që ka thënë, por tregon se tashmë nuk ia ka idenë se çfarë ai bën në jetën e vet.
“Herën e fundit që jemi takuar, që bëmë atë intervistën e famshme që plasi bomba gjithandej, edhe unë kam qenë në një gjendje emocionale shumë të rënduar. Kam qenë në periudhë shumë të errët, kisha rënë tek një gropë, që do bëj gjithçka në jetën time vetëm që të mos ta shikoj më veten ashtu”, u shpreh ajo.
Tutje shtoi: “Unë jam gjithmonë ‘drejt e drejtë’, ndoshta edhe se jam këtu ku jam, si për mirë e si për keq, kam humbur por dhe kam fituar shumë njerëz e shumë gjëra, vetëm prej faktit që unë jam kështu. Nuk më pëlqen që t’i bëj bishta gjërave. Ai muhabet, ishte një fakt që nuk është se e thashë unë, se edhe ai vetë e kishte shprehur në këngë e vende të tjera”.
Në pyetjen nëse Getinjo vazhdon të jetë ende i varur nga lojërat e fatit, Vivien u tregua e rezervuar:
“Nuk e di, nuk e kam idenë. Kam folur me disa shokë të tij që më kanë shkruar, edhe ata duken si dyshues. Por mua nuk më intereson më. I uroj vetëm më të mirat, sepse ka qenë një person i rëndësishëm për mua. Por kaq është. Jeta është njëkohësisht e bukur dhe e frikshme.”
