Ashtu siç pritej, me të mbërritur te kryeministria, ka nisur përplasja mes policisë dhe protestuesve.
Kanë qenë kë...
SHOWBIZ
E preferuara e Vladimir Putin po kalon një 'FERR'/ Gabimi i rëndë i mjekëve i rrezikon karrierën gjimnastes Lala Kramarenko
PiranjatPërditësimi i fundit 25 Nëntor 2025, 13:40
Lala Kramarenko, një nga talentet më të mëdha të gjimnastikës ritmike dhe e konsideruar e preferuara e Vladimir Putinit, po përjeton ditët më të vështira të jetës pas një gabimi të rëndë mjekësor që rrezikon jo vetëm karrierën, por edhe cilësinë e jetës së saj.
Gjimnastja 20-vjeçare iu nënshtrua një operacioni në korrik 2024, por trajnerja e ekipit rus, Irina Viner, zbuloi se mjekët i kanë hequr gabimisht meniskun e shëndetshëm, duke lënë të paprekur atë të dëmtuarin. Pas këtij gabimi fatal, Lala ka kaluar një muaj rehabilitim në Izrael, por rikthimi i meniskut është i pamundur.
Pavarësisht mbështetjes së ekipit dhe suksesit të saj të jashtëzakonshëm në vitin 2024 ku fitoi pesë medalje ari në kampionatin rus dhe titullin në Lojërat BRICS – karriera e Lalës është vënë seriozisht në pikëpyetje. Ajo njihet edhe si kampione evropiane dhe tre herë kampione bote me të rejat.
Federata Ndërkombëtare e Gjimnastikës ka regjistruar edhe një element origjinal me emrin e saj, një dëshmi e talentit të jashtëzakonshëm që Lala ka shfaqur ndër vite. Ajo kishte qenë kandidate për Lojërat Olimpike 2024 dhe synonte pjesëmarrjen në Los Angeles 2028, por e ardhmja e saj tani është e paqartë.
Megjithatë, ka edhe shpresë. Babai i saj, Dimitrij Kramarenko, thotë se menisku nuk është hequr tërësisht, gjë që i jep Lalës një mundësi për t’u rikthyer në sportin e saj të dashur.
A do të arrijë gjimnastja ruse të kapërcejë këtë ferr? Kjo mbetet ende për t’u parë.
