Kreu i Grupit Parlamentar të PD, Gazment Bardhi ka reaguar për ngjarjen e rëndë të ndodhur në Lozhan, ku mbeti i vrarë nj&e...
SHOWBIZ
Egla Ceno flet për imazhin e saj në “BBVA”: S’kam qenë e urryer, thjesht prisha disa imazhe hipokrizie
PiranjatPërditësimi i fundit 10 Tetor 2025, 13:12
Aktorja dhe fituesja e “Big Brother VIP Albania 3”, Egla Ceno, ka reaguar së fundmi për perceptimin e saj gjatë qëndrimit në shtëpinë më të famshme në Shqipëri. Përmes një përgjigjeje në Instagram, ajo foli hapur për mënyrën si u pa nga publiku dhe për arsyet pse zgjodhi të ishte e drejtpërdrejtë dhe pa filtra.
Një ndjekës e pyeti pse në spektakël u portretizua si një “personazh i urryer”, ndërkohë që jashtë duket një vajzë ndryshe dhe e qetë. Egla u përgjigj me sinqeritet, duke theksuar se forca e saj shpesh është keqkuptuar:
“Ndoshta isha e ashpër, por kur je grua dhe s’ke askënd pas shpine, duhet të jesh shkëmb. Te ne, një burrë që dominon është i fortë. Një grua që bën të njëjtën gjë, është e urryer.”
Ajo shtoi se zgjodhi të jetë vetvetja, pa kompromise dhe pa frikë të tregojë karakterin e saj të fortë:
“Zgjodha të jem pa kërkuar leje, me zë, me karakter, pa frikë dhe me pizhame.”
Egla theksoi se nuk ishte “e urryer”, siç u perceptua nga disa, por thjesht sfidoi disa maska dhe imazhe të rreme:
“S’kam qenë e urryer, thjesht prisha ca imazhe të përsosura hipokrizie. Pa ojná.”
Egla Ceno u shpall fituesja e edicionit të tretë të “Big Brother VIP Albania”, duke hyrë në histori si gruaja e parë që fiton këtë spektakël televiziv.
Fituesit e mëparshëm ishin Ilir Shaqiri në edicionin e parë, Luiz Ejlli në të dytin, ndërsa në edicionin e katërt trofeun e mori Gjesti.
