Protestës së zhvilluar në Tiranë kundër kryeministrit Rama i janë bashkuar edhe shqiptarë nga Kosova, të cilët ka...
SHOWBIZ
Elon Musk hap ‘luftë’ ndaj Ashley St. Clair, kërkon kujdestarinë e plotë të djalit
PiranjatPërditësimi i fundit 13 Janar 2026, 18:39
Elon Musk do të kërkojë kujdestarinë e plotë të djalit të tij 1-vjeçar, Romulus me influenceren Ashley St. Clair. CEO i Tesla postoi të hënën në X se ka si qëllim të paraqesë kërkesën e tij.
“Do të paraqes kërkesën time për kujdestari të plotë, për shkak të dëshmive të saj se mund të bëjë ndryshimin fizik të një djali 1-vjeçar.”
Por mbetet e paqartë se cilave deklarata u referohet Musk. Blogerja 27-vjeçare shprehu keqardhje në një kërkesë faljeje ndaj komunitetit transgjinor, të postuar në fundjavë.
E pyetur për “transfobinë” e saj të mëparshme, St. Clair shkroi: “Ndihem shumë në faj për rolin tim. Nuk e di si t’i korrigjoj shumë prej këtyre gjërave, por jam përpjekur shumë të mësoj dhe të mbroj ata që janë brenda komunitetit transgjinor që i kam lënduar.”
Ajo përmendi vajzën transgjinore 21-vjeçare të Musk, Vivian, me të cilën ai nuk flet.
St. Clair tha se fjalët e saj do të rezultojnë në “histeri të krahut të djathtë” ose do të shihen si “jo të çiltra.” “Por po, më vjen keq. Më thoni si mund të ndihmoj”, përmbylli ajo.
Influencerja bëri bujë vitin e shkuar pasi deklaroi se Musk është babai i djalit të saj, gjë që u konfirmua nga analiza gjenetike.
