Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
SHOWBIZ
Ethet e Festivalit të Këngës/ Emra të njohur dhe surpriza që synojnë Eurovisionin
PiranjatPërditësimi i fundit 3 Tetor 2025, 15:19
Festivali i Këngës në RTSH po afron me shpejtësi dhe bashkë me të kanë nisur edhe zërat për emrat që pritet të ndezin skenën këtë fundvit.
Deri tani, mes aplikimeve të publikuara spikasin artistë të njohur si Enis Neziri, Vedat Ademi, Fifi & Tiri, Erik Lloshi, Lorenc Hasrama dhe Lynx, Evi Reçi & Gerta Mahmutaj, Enxhi Nasufi, Sara Kapo, Kamela Islamaj, Alis Kallaci & Edmond Mancaku, Voltan Prodani dhe Sergio Hajdini.
Por jo vetëm kaq në prapaskenë po përflitet edhe për një rikthim surprizë të Era Istrefit, e cila sipas zërave ka ambicie të prekë skenën e madhe të Eurovision-it përmes Festivalit të RTSH.
Në korridoret e festivalit po përmenden edhe “pretendentët e fortë”, me Fifin dhe Enis Nezirin që përmenden si dy zëra të fuqishëm që mund të luftojnë për çmimin e madh, bazuar edhe në eksperiencat e tyre të mëparshme në garat ndërkombëtare.
Edhe pse RTSH ende nuk ka zbuluar listën zyrtare, ajo që dihet është se ky edicion do të sjellë shumëllojshmëri zhanresh dhe artistësh, që nga baladat e fuqishme deri tek performancat eksperimentale që premtojnë të ngjallin kureshtje tek publiku.
Derisa drejtuesja Elhaida Dani dhe ekipi organizues të zbulojnë më shumë, publiku vazhdon të presë me kërshëri dhe të diskutojë se kush do të përfaqësojë Shqipërinë në skenën e madhe të Eurovision-it.
