Dashi
Do merrni fryme lirisht gjate gjithë kësaj dite dhe gjerat kane për te ecur për mrekulli mes jush dhe atij qe keni ne krah. B...
SHOWBIZ
FOTO/ Thirrje për ndihmë? Mesazhi i fshehur i aktores gjatë çmimeve Emmy
PiranjatPërditësimi i fundit 15 Shtator 2025, 14:58
Aktorja e njohur, Britt Lower ndikoi jashtëzakonisht shumë me fjalimin e saj falënderues pas fitores së çmimit Emmy për “Aktorja më e mirë në rol kryesor në një seri dramatike” për interpretimin e saj të paharrueshëm në serialin hit “Severance”.
Megjithatë, ajo që kapën sytë e fansave ishte një detaj i vogël dhe i fshehur që u shfaq gjatë fjalimit të saj emocionues.
Në një kohë kur shumica e të pranishmëve po e dëgjonin me vëmendje fjalimin e saj, disa fansa me sy të mprehtë e panë një mesazh të fshehur në pjesën e pasme të letrës nga e cila ajo po lexonte fjalët e saj. Me shkronja të mëdha, shkruhej “Më lini të dal jashtë”, një referencë e drejtpërdrejtë ndaj personazhit të saj të famshëm, Helly R, në serialin “Severance”, ku ajo luan një rol të ndërlikuar dhe të veçantë.
Britt Lower falënderoi kolegët dhe familjen për mbështetje, duke e cilësuar si një privilegj të madh të ishte e përmendur midis një grupi kaq të jashtëzakonshëm artistësh. Ajo shpërndau falënderime për të gjithë ata që kishin ndihmuar në karrierën e saj, duke përfshirë familjen, bashkëshortin dhe ekipin e saj të aktorëve.
Teksa, fotografitë nga ceremonia, ku mesazhi ishte i dukshëm, shpërndanë shpejt në rrjetet sociale, duke u vlerësuar si një shenjë e përkushtimit të aktores dhe një detaj i bukur nga ekipi i “Severance”.
