Një skemë e frikshme dhe e paprecedentë po zhvillohet në dëm të pasurisë publike dhe private në Shqipëri, ku aset...
SHOWBIZ
Humbi gjyqin me Saimir Kodrën, Egla Ceno: Deri në Strasburg do ta çoj çështjen
PiranjatPërditësimi i fundit 4 Dhjetor 2025, 18:07
Egla Ceno ka qenë së fundmi e ftuar në emisionin “Shqipëria Live”, ku ka folur me sinqeritet për karrierën e saj, projektet e reja dhe një situatë të ndjeshme personale: gjendjen shëndetësore të nënës së saj. Mes emocioneve dhe vendosmërisë, Egla tregoi se megjithëse po kalon një periudhë të vështirë, mbetet e fokusuara tek puna dhe angazhimet profesionale.
Gjatë intervistës, ajo u ndal edhe te debati i bujshëm me Ermal Mamajin në emisionin “Goca dhe Gra”, si dhe te procesi gjyqësor me Samir Kodrën, dy çështje që kanë marrë vëmendjen e publikut në javët e fundit. Sa i përket çështjes në gjykatë, Ceno u shpreh qartë dhe prerë se nuk ka ndërmend të tërhiqet, duke theksuar vendosmërinë e saj për të shkuar deri në fund të procesit.
“Unë jam unë, nuk ndalem në këtë histori, deri në hënë, kam thënë unë. Deri në Strasburg nëse Shqipëria nuk i jep vëmendjen që meriton çështja. Unë kam besim, gjithsesi, te drejtësia shqiptare. Kush është i interesuar, të mos bëhet merak se i kam lekët për ankimim. Nuk është puna me më fale dhe të fala,” tha ajo, duke nënvizuar se kjo betejë është për parim, jo për falje formale.
Edhe lidhur me debatet televizive, Ceno u tregua e qartë se nuk ka konflikte personale me askënd: “S’kam asgjë personale as me njërin dhe as me tjetrin,” – deklaroi ajo, duke i dhënë fund aludimeve për përplasje apo zënka të thelluara.
