Gazetarja Aranita Brahaj, e ftuar në “A Show”, hodhi akuza të forta ndaj kryeministrit, duke e cilësuar atë si simbol të ...
SHOWBIZ
Sulmi në shtëpinë e Rihanës, arrestohet gruaja që qëlloi
PiranjatPërditësimi i fundit 9 Mars 2026, 22:37
Një incident i frikshëm ka ndodhur në rezidencën luksoze të këngëtares së njohur Rihanna në Beverly Hills, ku një grua dyshohet se ka hapur zjarr drejt shtëpisë së artistes, ndërsa ajo ndodhej brenda.
Sipas raportimeve të Los Angeles Times dhe NBC4, duke cituar një zëdhënës të Departamentit të Policisë së Los Angeles, autoritetet morën një telefonatë për incidentin rreth orës 13:21 të dielën, më 8 mars. Në vendngjarje u arrestua një 30-vjeçare e dyshuar. Raportet bëjnë me dije se Rihanna ndodhej brenda shtëpisë gjatë të shtënave, por fatmirësisht nuk u lëndua. Rreth 10 të shtëna u qëlluan nga një automjet i parkuar në rrugën përballë portës së rezidencës së saj, dhe njëri prej plumbave kaloi edhe përmes një muri të shtëpisë.
Ende nuk është konfirmuar nëse partneri i artistes, A$AP Rocky, dhe tre fëmijët e tyre ndodheshin në shtëpi në momentin e incidentit. Sipas revistës People, Rihanna është “në gjendje të mirë shëndetësore”.
Një banor i zonës, Keith England, i tha FOX 11 Los Angeles se momentet kanë qenë shumë të frikshme:
“Ishte e tmerrshme. Nuk mund ta imagjinoj si është të jesh në shtëpi dhe të dëgjosh plumbat që godasin muret.”
Pak kohë pas incidentit, policia gjeti automjetin e përdorur nga e dyshuara në parkingun e një qendre tregtare, ku u bë edhe arrestimi i saj. Autoritetet vijojnë hetimet për të zbardhur motivin e sulmit dhe për të siguruar zonën përreth.
