Komisioni Evropian ka shprehur shqetësimin se projekti i planifikuar në zonën e mbrojtur Pishë Poro–Nartë mund të ketë ...
SHOWBIZ
“Jam i lumtur dhe single!”/ Xhonatan Islami flet për herë të parë pas ndarjes nga Roza Lati: Kapitull i mbyllur në jetën time!
PiranjatPërditësimi i fundit 27 Mars 2026, 11:32
Pas muajsh spekulimesh dhe aludimesh në rrjet, Xhonatan Islami ka vendosur të thyejë heshtjen dhe të flasë hapur për fundin e marrëdhënies me Roza Lati.
I ftuar në një emision televiziv, ai konfirmoi se lidhja e tyre ka përfunduar prej disa muajsh, duke e mbyllur kështu njëherë e mirë kapitullin e shumëpërfolur të jetës së tij personale.
“Jam i lumtur single, Rozës i uroj më të mirat,” tha ai.
Xhonatani tregoi se marrëdhënia kishte zgjatur rreth një vit dhe se ndarja ka ndodhur 3–4 muaj më parë, duke e cilësuar këtë histori si një eksperiencë të përfunduar.
“Zgjati nje vit nuk e di nëse quhet shume apo pak. Ishte një marrëdhënie publike, tani është një kapitull i mbyllur në jetën time. Kemi 3-4 muaj që e kemi mbyllur. I uroj gjithë të mirat, jam i sigurt që edhe ajo më uron gjithë të mirat”, u shpreh ai.
Lidhja mes tyre kishte nisur gjatë verës së vitit 2024 dhe shumë shpejt u bë publike. Të dy ndanin shpesh momente së bashku në rrjete sociale dhe shfaqeshin në publik, duke reflektuar një raport të afërt dhe të konsoliduar.
Vetë Roza ka rrëfyer më herët se njohja mes tyre kishte qenë spontane dhe e ka përshkruar këtë periudhë si një nga më të bukurat, duke theksuar se marrëdhënia ishte e mbushur me dashuri dhe harmoni, edhe pse e konsideronte ende herët për hapa si martesa.
“Unë Xhonatanin e gjeta në det. Shpirtrat binjakë gjejnë njëri-tjetrin. U kuptuam dhe që nga ajo ditë nuk kemi qëndruar më pa njëritjetrin. Për martesën është shumë herët për të folur, me rëndësi është se ka shumë dashuri”, është shprehur Roza në një intervistë të disa muajve me pare.
Megjithatë, muajt e fundit nuk munguan as dyshimet për një krisje, sidomos pasi të dy fshinë fotot e përbashkëta dhe nuk ndiqnin më njëri-tjetrin në rrjete sociale, detaje që shpesh paralajmërojnë një ndarje.
Deklarata e fundit e Xhonatan Islamit vjen si konfirmimi përfundimtar i asaj që përflitej prej kohësh, duke treguar se marrëdhënia ka përfunduar në mënyrë të qetë dhe pa polemika publike, ndërsa të dy duket se kanë zgjedhur të vazhdojnë përpara.
