Dy persona janë plagosur me armë zjarri mbrëmjen e sotme në zonën e Laprakës në Tiranë.
Ngjarja dyshohet se ka ndodhur ...
SHOWBIZ
Jennifer Lopez ndez dasmën 6.7 milionë dollarëshe të trashëgimtares indiane
PiranjatPërditësimi i fundit 25 Nëntor 2025, 14:36
Një dasmë spektakolare në Indi ka bërë që e gjithë bota të flasë për luksin dhe performancën e jashtëzakonshme të Jennifer Lopez. Trashëgimtarja miliardere Netra Mantena u martua me sipërmarrësin e teknologjisë, Vamsi Gadiraju, në Taj Lake Palace të Udaipur një vend ikonë që u shfaq edhe në filmin e James Bond-it, “Octopussy” (1983).
Jennifer Lopez ishte njëkohësisht e ftuar dhe performuese, duke interpretuar hitet e saj më të njohura si “Waiting for Tonight” dhe “On The Floor”. Në skenë, 56-vjeçarja shkëlqeu me veshje provokuese, duke treguar linjat e saj të përkryera dhe duke ndezur atmosferën për të gjithë të ftuarit. Para performancës, JLo u fotografua me çiftin e ri e veshur me sare të zbukuruar dhe bizhuteri smeraldi.
Dasma kishte një tortë spektakolare 4.5 metra të lartë në formën e një mini-pallati, dekoruar me elefantë, tigra dhe lule, krijuar nga mjeshtri parizien Bastien Blanc-Tailleu. Pamjet u përhapën shpejt në rrjetet sociale, duke mahnitur përdoruesit.
Në ceremoni morën pjesë figura VIP nga Bollywood-i si Ram Charan, Nora Fatehi, Sophie Choudry, si dhe personalitete ndërkombëtare si Donald Trump Jr. me partneren e tij. Megjithatë, kostoja marramendëse e dasmës rreth 6.7 milionë dollarë, shkaktoi edhe debate mes vendasve, të cilët kritikuan “shpërdorimin e pasurive”.
Dasma e Netrës është tashmë krahasuar me dasmën legjendare të Ambani-t në 2024, duke treguar se luksi dhe performanca VIP nuk kanë limite.
