Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
SHOWBIZ
Jennifer Lopez shkëlqen në tapetin e kuq të Çmimeve të Guvernatorëve me një pamje të magjishme couture
PiranjatPërditësimi i fundit 17 Nëntor 2025, 10:36
Jennifer Lopez u shfaq si një nga yjet më të komentuara në tapetin e kuq të edicionit të 16-të të Çmimeve të Guvernatorëve, të mbajtur të dielën në Los Angeles. Artistja 56-vjeçare mahniti publikun me një fustan të zi e bezhë couture nga Tamara Ralph, një kombinim elegant mes kadifesë luksoze dhe tylit transparent, duke i dhënë pamjes një nuancë intrigueshëm gotike dhe ultra-glamour.
Veshja pa rripa, e shoqëruar me doreza të gjata, vathë perlash dhe diamantesh, kompletoi një paraqitje që dëshmoi edhe një herë pse J.Lo mbetet një prej ikonave më të fuqishme të stilit në tapetin e kuq. Flokët biondë të kapura gjysmë të lira theksuan linjat e fytyrës dhe e bënë pamjen edhe më të sofistikuar, shkruan DailyMail.
Ceremonia nderoi katër figura të rëndësishme të industrisë së filmit: Dolly Parton – Çmimi Humanitar Jean Hersholt Tom Cruise, Debbie Allen dhe Wynn Thomas – Çmime Oscar nderi
Gjatë natës, Jennifer foli shkurt edhe për projektin e saj të fundit kinematografik, “Kiss of the Spider Woman”, ku interpreton rolin e Aurorës – një figurë që lind nga imagjinata e një të burgosuri.
Në fjalën e saj, ylli latin falënderoi ish-bashkëshortin Ben Affleck për mbështetjen në realizimin e filmit, një moment që u komentua gjerësisht nga fansat dhe mediat.
