Kryeministri në detyrë i Kosovës, Albin Kurti, ka reaguar ndaj ceremonisë me nderime shtetërore të organizuar në Serbi p&eu...
SHOWBIZ
Kim Kardashian dhe Kris Jenner shpërthejnë ndaj padisë së Ray J: Akuza të rreme dhe fantazi të rrezikshme
PiranjatPërditësimi i fundit 14 Nëntor 2025, 13:11
Kim Kardashian dhe Kris Jenner kanë reaguar fort ndaj padisë së re të Ray J, i cili pretendon se Kris ka orkestruar publikimin e videos së tyre intime në vitin 2006. Avokati i tyre, Alex Spiro, e cilësoi padinë si “një përpjekje të dëshpëruar për vëmendje”, duke thënë se Ray J është i destinuar ta humbasë edhe këtë proces.
Ray J pretendon në dokumentet gjyqësore se videoja intime ishte xhiruar me marrëveshje në vitin 2003 dhe se Kim dhe Kris kanë diskutuar publikimin e saj vite më vonë. Ai i akuzon ato për shpërndarjen e një narrative të rreme se videoja doli kundër dëshirës së Kim-it, gjë që sipas tij i ka dëmtuar reputacionin për më shumë se 20 vite.
Familja Kardashian-Jenner i ka hedhur poshtë në mënyrë kategorike të gjitha pretendimet. Muajin e kaluar, ato ngritën një padi për shpifje kundër Ray J, duke e akuzuar për një “fushatë akuzash false” dhe për gënjeshtra të vazhdueshme në media.
Në padinë e tyre, ekipi ligjor i Kardashianëve thekson se deklaratat e Ray J për një hetim federal ndaj familjes janë “haptazi të pavërteta” dhe pa asnjë provë. Ray J kishte deklaruar në një transmetim live se po bashkëpunonte me autoritetet për një çështje RICO kundër tyre, të cilën Kardashianët e quajtën një trillim të rrezikshëm.
