Një shpërthim me lëndë të dyshuar plasëse është regjistruar në orët e para të mëngjesit të so...
SHOWBIZ
Kim Kardashian 'rikthen' babain e ndjerë përmes inteligjencës artificiale
PiranjatPërditësimi i fundit 18 Tetor 2025, 11:20
Kim Kardashian ka prekur zemrat e ndjekësve me një gjest të ndjerë për kujtimin e të atit, Robert Kardashian, i cili ndërroi jetë 22 vjet më parë. Ylli amerikan ka përdorur inteligjencën artificiale për të krijuar fotografi emocionale, ku shfaqet krah babait të saj – avokati i njohur që u nda nga jeta në vitin 2003, në moshën 59-vjeçare, pas betejës me kancerin në ezofag.
Në imazhet e realizuara me AI, Robert Kardashian shfaqet me një kostum elegant të zi, ndërsa Kim, 44 vjeçe, shihet pranë tij e veshur me mantelin dhe kapelet e diplomimit në ngjyrë bezhë një mënyrë për të përjetësuar momentin që ajo gjithmonë ka dashur të ndajë me të atin, shkruan Daily Mail.
Ky tribut virtual vjen vetëm pak muaj pasi themeluesja e SKIMS përfundoi “Law Office Study Program”, një hap i madh drejt ëndrrës së saj për t’u bërë avokate, në ndjekje të gjurmëve të babait të saj.
Fotografitë kanë ngjallur shumë emocione tek fansat, pasi Kim ka rrëfyer shpesh se do të kishte dashur që Robert të ishte i pranishëm për ta parë teksa realizon ëndrrën e tij të mbetur pezull.
Në një tjetër imazh të krijuar nga inteligjenca artificiale, Kim paraqitet si fëmijë, duke buzëqeshur krah versionit të saj të tanishëm një përqafim simbolik mes të kaluarës dhe së tashmes. Ajo ndau gjithashtu një foto ku vajza e saj, North West, shfaqet si adoleshente, po ashtu e krijuar me AI.
Në përshkrimin e postimit, Kim shkroi:
“Ky trend i AI mund të jetë i preferuari im.” Me këtë gjest, Kim Kardashian jo vetëm që nderoi kujtimin e babait të saj, por edhe tregoi sesi teknologjia mund të shërbejë si urë midis kujtimeve dhe ndjenjave njerëzore.
