Qytetarë, ambientalistë dhe aktivistë të shoqërisë civile janë mbledhur këtë mbrëmje në Tiranë p&e...
SHOWBIZ
“Kujt i ngjan Trev?” Einxhel Shkira publikon foton që ‘shuan’ debatet dhe habit ndjekësit
PiranjatPërditësimi i fundit 30 Prill 2026, 11:58
Dilema klasike në çdo familje shqiptare se kujt i ngjan më shumë një fëmijë, mamit apo babit duket se ka marrë një përgjigje të qartë në rastin e Einxhel Shkirës.
Ish-banorja e “Big Brother” dhe një nga figurat më të ndjekura në rrjetet sociale vazhdon të ndajë shpesh momente nga përditshmëria e saj familjare, duke i mbajtur ndjekësit pranë çdo etape të jetës së saj si nënë. Së fundmi, ajo ka publikuar një Instastory mjaft të veçantë, që jo vetëm ka tërhequr vëmendje, por edhe ka “mbyllur” me humor një debat të përhershëm.
Në postimin e saj, Einxhel ka vendosur përballë njëra-tjetrës dy foto: në njërën anë djalin e saj të madh, Trev dhe në anën tjetër një foto të saj nga fëmijëria. Ngjashmëria mes tyre është aq e dukshme, sa duket sikur janë i njëjti person në dy kohë të ndryshme.
Për ta bërë edhe më të qartë “mesazhin”, ajo e ka shoqëruar kolazhin me një mbishkrim plot humor: “Kur thonë që Trev i ngjan babit”, duke nënkuptuar se i vogli ka trashëguar dukshëm tiparet e saj.
Einxhel dhe DJ Dagz, prej kohësh kanë krijuar një familje të konsoliduar dhe janë prindër të dy djemve, Trev dhe Kres. Edhe pse diskutimet për ngjashmëritë janë pjesë e çdo familjeje, duket se me këtë postim të fundit, Einxhel ka dhënë një përgjigje përfundimtare të paktën për djalin e madh.
