Eduart Mullaj, 55 vjeç nga Delvina, rezulton të jetë personi i plagosur në orët e para të ditës së sotme në Pat...
SHOWBIZ
Loredana zbulon projektin e ri mediatik
PiranjatPërditësimi i fundit 6 Shtator 2025, 21:47
“She’s On Air” është një program radiofonik i konceptuar si një “reality show”, ku në qendër vendosen vajzat e reja – të drejtpërdrejta, të guximshme dhe të vetëdijshme për zërin e tyre.
Në studio bashkohen gjashtë protagoniste me personalitete krejt të ndryshme, por që i bashkon autenticiteti. Ato ndajnë mendimet e tyre pa filtra dhe hapin zemrën për gjithçka që i prek në jetën e përditshme.
Këtë javë, përmes një lidhjeje telefonike, e ftuar ka qenë ish-banorja e “Big Brother VIP 4”, Loredana Brati. Ajo ka rrëfyer për dëgjuesit pjesë nga jeta e saj personale, si edhe përvojën si moderatore në emisionin “Goca dhe Gra”. Modelja ka zbuluar gjithashtu se është duke përgatitur një projekt të ri që pritet të publikohet së shpejti.
Ka diçka që po gatuhet, mezi po pres që ta ndaj me ju, por nuk është akoma momenti pasi do ta mbaj dhe pak akoma për vete. Jam e sigurt që do t’ju pëlqejë roli im në atë që do të bëhet edhe jam shumë e lumtur që do të kem mundësinë akoma që të jap atë që dashamirësit dhe ndjekësit kërkojnë nga unë. Ata duan të shikojnë shpirtin tim të batutës, humorit dhe pozitivitetit. Mezi pres që ta ndaj.
Kur vajzat e pyetën nëse ajo do të qëndrojë në Top Channel, Loredana konfirmoi duke thënë se: “Po. Familja e Top Channel-it më ka hapur derën dhe nuk më kanë bërë asnjëherë që të ndihem keq dhe vazhdon më jep shumë pozitivitet. Nuk kam pse të lëviz nga aty“.
