Përdoruesit e platformave Facebook, Instagram dhe Messenger kanë raportuar probleme me funksionimin e tyre pasditen e së mërkurës, 22...
SHOWBIZ
Meriton Mjekiqi: Kam humbur çdo kontakt me djalin, do ta kërkoj deri në fund
PiranjatPërditësimi i fundit 29 Tetor 2025, 15:06
Ish-finalisti i “Big Brother Vip 3”, Meriton Mjekiqi, ka folur sot me emocione të forta në emisionin “Goca dhe Gra” në Top Channel, ku ka treguar se prej kohësh nuk ka më asnjë kontakt me djalin e tij. Moderatori, i prekur nga mungesa e të birit, iu drejtua publikisht ish-partneres së tij me një mesazh të ndjerë.
“Problemet e mia vazhdojnë me nënën e djalit. Kam humbur çdo kontakt, nuk kam kontakt për me e dit si e kam djalin. Djali ka bo 7 vjet, më mungon, deri në fund kam me kërku djalin. Besoj se gjyqet do vazhdojnë, do i përgjigjem deri në fund,” tha ai me zë të dridhur.
Mjekiqi u shpreh se, megjithëse ndarja me ish-partneren ishte një vendim i përbashkët për shkak të mosmarrëveshjeve, ai nuk mund ta pranojë që i është mohuar e drejta për të parë djalin. “Faji që jemi nda, do të thotë që s’kemi shkuar mirë për njëri-tjetrin. Por të drejtën e djalin nuk mundesh me ma mohu,” shtoi ai.
Moderatori tregoi se djali i tij është autik, çka e bën edhe më të vështirë komunikimin mes tyre. “Djali im është autik dhe forma e tij për të komunikuar është shumë më e vështirë. Ajo po e shfrytëzon këtë situatë, luan me veten duke më lënduar mua… Nuk e kam takuar fare, nuk ma ka dhënë mundësinë,” u shpreh ai.
Në fund, Meritoni theksoi se, pavarësisht gjithçkaje, ruan respekt për ish-partneren: “Është një nënë e shkëlqyeshme, por në raport Loart–Meriton ka abuzuar deri në maksimum.”
