Përdoruesit e platformave Facebook, Instagram dhe Messenger kanë raportuar probleme me funksionimin e tyre pasditen e së mërkurës, 22...
SHOWBIZ
Miley Cyrus zbulon se ende ruan fustanin e takimit të parë me Liam Hemsworth
PiranjatPërditësimi i fundit 26 Shtator 2025, 16:51
Ylli i muzikës pop, Miley Cyrus, ka ndarë një detaj të veçantë nga jeta e saj personale. Në një intervistë për Vogue, këngëtarja zbuloi se ende e mban fustanin që kishte veshur në takimin e parë me ish-bashkëshortin, aktorin Liam Hemsworth.
Gjatë bisedës, Miley tregoi se ka krijuar një 'qoshe kujtimesh', ku ruan disa nga veshjet më të rëndësishme të karrierës dhe jetës private. Ajo tha se këto rroba nuk janë thjesht pjesë mode, por bartin histori dhe emocione që nuk dëshiron t’i humbasë.
"Literalish e kam ende fustanin që kisha veshur kur u takova për herë të parë me ish-bashkëshortin tim, si edhe atë që vesha në takimin tonë të parë," – u shpreh ajo.
Miley dhe Liam u njohën në vitin 2009 gjatë xhirimeve të filmit The Last Song. Marrëdhënia e tyre kaloi nëpër faza të shumta ndarjesh dhe ribashkimesh: fejesa e parë erdhi në vitin 2012, por përfundoi pas një viti. Çifti u ribashkua në vitin 2016 dhe u martua në dhjetor të vitit 2018. Megjithatë, martesa përfundoi shpejt, pasi Hemsworth kërkoi divorcin në gusht të vitit 2019.
Edhe pse kjo periudhë mbetet një kapitull i trazuar për jetën e saj, Miley ka treguar se nuk dëshiron t’i fshijë kujtimet që lidhen me të. Përkundrazi, ajo i ruan si pjesë e rrugëtimit të saj personal dhe artistik.
