Teksa vizitoi Edison Adrin, efektivin e plagosur rëndë në Spitalin e Traumës në Tiranë, kryepolici Skënder Hita bëri e...
SHOWBIZ
“Mu prenë gjunjët, polici më tha mos kalo”, Ema Andrea rrëfen momentin kur pa të vëllain binjak pa jetë në palestër
PiranjatPërditësimi i fundit 21 Maj 2026, 19:48
Aktorja Ema Andrea ka dhënë një nga rrëfimet më të ndjera, duke folur për humbjen tragjike të vëllait të saj binjak, i cili humbi jetën papritur në palestër.
Mes lotëve dhe reflektimeve të forta për jetën, mungesën dhe vetminë, artistja tregoi se ende sot e pret telefonatën e tij. “Pres të marrë në telefon ende… Fjala është e mangët, tani unë s’jam”, u shpreh ajo, teksa pranoi se pas ikjes së të vëllait nuk ndihet më e plotë. Në një tjetër moment rrëqethës, Ema Andrea tha se tashmë e kupton çfarë është vetmia e vërtetë. “E kishim vendosur që ai do ikte para meje, por jo kaq herët”, tregoi ajo, duke shtuar se ndihet edhe e tradhtuar nga largimi i tij i papritur. Mes emocionesh të forta, aktorja zbuloi edhe lidhjen e pazakontë që kishte me binjakun e saj, duke thënë se ai ishte njeriu që do ta kuptonte gjithmonë, në çdo gjendje.
Një nga momentet më të forta të intervistës ishte rrëfimi për telefonatën fatale dhe çastin kur mbërriti në palestër. “Mu prenë gjunjët”, tregoi ajo, duke kujtuar momentin kur polici i kërkoi të mos kalonte më tej.
Ema Andrea foli hapur edhe për gjendjen e rëndë emocionale pas humbjes, duke pranuar se kishte menduar të dëmtonte veten, por nuk donte të prishte ceremoninë mortore të të vëllait. Ajo tregoi se në ato ditë të vështira pranë i qëndroi edhe Ori Nebiaj.
Në podcast, aktorja ndau edhe reflektime të forta për jetën, njerëzit dhe raportet njerëzore, duke thënë se dhimbja e kishte transformuar dhe i kishte dhënë një dimension tjetër vetes.
