Një tjetër eurodeputet i Parlamentit Europian ka reaguar i indinjuar ndaj dhunës së policisë me urdhër të kryeministrit...
SHOWBIZ
"Nuk e besoj që njerëzit duartrokasin një veprim kafshëror"/ Orinda Huta për vrasjen e gjyqtarit Kalaja: Jam vetë në një proces prej 15 vitesh
PiranjatPërditësimi i fundit 8 Tetor 2025, 15:17
Moderatorja e njohur Orinda Huta ka reaguar me shqetësim pas ngjarjes tragjike të vrasjes së gjyqtarit Astrit Kalaja, duke e cilësuar këtë si një “këmbanë alarmi” për shoqërinë dhe për mënyrën se si disa njerëz po pranojnë dhe madje duartrokasin aktet e dhunës.
Në një postim në Instagram, Orinda shprehu indinjatën e saj për reagimet e papranueshme që shihen në disa raste, duke theksuar se këto reagime janë po aq shqetësuese sa vetë dhuna. Moderatorja ndau edhe një përvojë personale, duke treguar se është pjesë e një procesi gjyqësor që zgjat prej 15 vitesh dhe ende nuk ka marrë një vendim përfundimtar.
“Zoti e di sa do të zgjasë, pasi çështja nuk ka kaluar ende në shkallë të parë. Jemi ende me shtetin. Por këto janë tokat e mamasë sime dhe do t’i marr njësoj siç i takojnë të gjithë pjesëtarëve të familjes,” shkruan Huta, duke treguar edhe për kërcënimet që ka marrë nga persona të afërt për shkak të kërkesës së saj për drejtësi.
“Kam marrë shpesh kërcënime nga të ashtuquajtur ‘daja’, vetëm pse kërkoja të drejtën për familjen time,” shtoi ajo.
Në përfundim, moderatorja theksoi se e kupton frustrimin që vjen nga proceset gjyqësore të zgjatura, por paralajmëroi se kjo nuk mund të shërbejë si justifikim për dhunën apo krimin. “E njoh mirë frustrimin e proceseve të gjata pa fund, por të pranosh dhe të vlerësosh krimin, ky është fundi,” përfundoi ajo.
