Të ardhurat që shteti siguron nga dhënia me qira e pasurive të sekuestruara dhe të konfiskuara kanë shënuar një rritje t...
SHOWBIZ
Nuk hyri dot në ‘BBVK’, Ikballe Huduti flet për herë të parë: Humbje e madhe
PiranjatPërditësimi i fundit 19 Nëntor 2025, 15:03
Një nga më të përfolurat, Ikballe Huduti ka komentuar për herë të parë pasi nuk arriti të futej dot në Big Brother VIP Kosova 4, për shkak të përkeqësimit të shëndetit të bashkëshortit të saj.
Përmes një postimi në Facebook, teologia tha se burri i saj e kishte përkrahur fuqishëm në këtë sfidë dhe në misionin e saj. Mirëpo, sipas saj, në tre ditët e fundit gjendja e tij është rënduar si pasojë e sëmundjes së Parkinsonit. Ajo falënderoi Zotin që ndodhet pranë bashkëshortit, ndërsa shtoi se është një humbje e madhe që nuk pati mundësinë të bëhej pjesë e edicionit të katërt të BBVK-së.
“Suksesi, për mua, është i dy llojeve: njëri për famë e përfitim material, dhe tjetri për krijimin e promovimin e vlerave morale. Misioni im fetar lidhet ngushtë me vlerat dhe përsosmërinë e njeriut, të cilat janë në mungesë të madhe në shoqërinë tonë shqiptare”, ka thënë Huduti.
Ndër të tjera, teologia u uroi suksese banorëve të këtij edicioni, duke lënë të hapur mundësinë nëse do të futet apo jo në shtëpi.
“Askush nuk ju detyron ta shikoni këtë program. Por ju që e shikoni, në vend se të poshtroni, më mirë bëni lutje që këta banorë të vetëdijesohen për të mirat që kanë, të pendohen dhe të kthehen në rrugën humane dhe morale. Ju kam në lutjet e mia”, përfundoi ajo.
