Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
SHOWBIZ
Pas një fushate të gjerë nga organizatat joqeveritare kundër tij, këngëtari britanik anulon koncertin në Turqi
PiranjatPërditësimi i fundit 5 Tetor 2025, 15:40
Këngëtari britanik, Robbie Williams, ka njoftuar anulimin e koncertit të tij të planifikuar në Stamboll më 7 tetor, pas një fushate të gjerë nga organizatat joqeveritare (OJQ) turke dhe përdoruesit e mediave sociale që kërkuan heqjen e ngjarjes. Autoritetet e Stambollit morën vendimin për të anuluar koncertin "në interes të sigurisë publike".
Koncerti ishte i planifikuar për të shënuar përvjetorin e dytë të sulmit të Hamasit ndaj komuniteteve jugore izraelite, që çoi në ofensivën ushtarake të Izraelit në Gazë. Për ditë të tëra, OJQ-të pro-Gazës dhe aktivistët pro-palestinezë në mediat sociale i bënin thirrje për anulimin e ngjarjes, duke e akuzuar Williamsin se kishte një lidhje me sionizmin. Kritikat ndaj këngëtarit janë shtuar pas performancës së tij në Izrael në vitin 2015, e cila kishte shkaktuar reagime të forta nga grupe të ndryshme pro-palestineze.
Kompania e biletave, Bubilet, e cila ishte përgjegjëse për shiturjen e biletave, konfirmoi se anulimi i koncertit ishte bërë në kërkesë të Zyrës së Guvernatorit të Stambollit.
Në një postim në Instagram, Robbie Williams shprehu keqardhjen për këtë anulim, duke theksuar se siguria e fansave të tij ishte prioriteti i tij kryesor. Ai shtoi se ky vendim ishte "jashtë kontrollit të tij", por që për të siguria e publikut është gjithmonë më e rëndësishme.
