Ish-avokati Abelardo De La Espriella është zgjedhur president i ri i Kolumbisë.
Zgjedhja e tij shënon një kthesë të mpreht...
SHOWBIZ
Prej 3 vitesh bashkë, aktori i njour zbulon publikisht marrëdhënien me Kylie Jenner: Të dua
PiranjatPërditësimi i fundit 5 Janar 2026, 15:40
Lidhja mes Timothée Chalamet dhe Kylie Jenner ka qenë prej kohësh në qendër të vëmendjes së mediave dhe publikut, duke nxitur spekulime të shumta rreth statusit të tyre. Tashmë, aktori i njohur ka vendosur t’i japë fund çdo dyshimi, duke e konfirmuar publikisht marrëdhënien e tij gjatë një prej momenteve më të rëndësishme të karrierës.
Gjatë ceremonisë së 31-të të Critics Choice Awards, e mbajtur më 4 janar në Santa Monica, Chalamet u shpall fitues i çmimit për Aktorin më të Mirë për rolin e tij në filmin “Marty Supreme”. Ndërsa mbante fjalimin e pranimit, ai zgjodhi që për herë të parë të flasë hapur për jetën e tij personale, duke konfirmuar edhe kohëzgjatjen e lidhjes me themeluesen e Kylie Cosmetics.
“Së fundmi, do ta falënderoj partneren time prej tre vjetësh”, tha Chalamet para publikut të pranishëm, duke tërhequr menjëherë vëmendjen e mediave dhe rrjeteve sociale.
Aktori 30-vjeçar, i cili ishte nominuar në një kategori të fortë përkrah emrave të mëdhenj si Leonardo DiCaprio, Joel Edgerton, Ethan Hawke, Michael B. Jordan dhe Wagner Moura, e vijoi fjalimin e tij me një deklaratë edhe më emocionale: “Të dua. Nuk do të mund ta bëja këtë pa ty”.
Reagimi nga publiku nuk mungoi. Kylie Jenner, e pranishme në sallë, iu përgjigj menjëherë aktorit me fjalët: “Të dua”, duke shkaktuar duartrokitje dhe emocione mes të ftuarve.
Ky moment shënon herën e parë që Chalamet flet hapur për lidhjen e tij, duke e kthyer ceremoninë jo vetëm në një sukses profesional, por edhe në një moment të veçantë personal.
