Presidenti i Federatës Palestineze të Futbollit, Jibril Rajoub, ka deklaruar se nuk ka marrë vizë për të hyrë në Shtet...
SHOWBIZ
Sara Karaj trondit me historinë personale: Isha në gjendje shumë të rëndë
PiranjatPërditësimi i fundit 9 Prill 2026, 21:45
Një moment i fortë emocional ka shënuar qëndrimin e Sara Karajt në “Ferma VIP 3”, ku ajo ka vendosur të ndajë një nga periudhat më të vështira të jetës së saj personale.
Gjatë një bisede me banorët e tjerë, Sara ka rrëfyer hapur për një gjendje të rënduar emocionale që kishte përjetuar në të kaluarën. Ajo tregoi se kishte kaluar një periudhë shumë të errët, ku kishte humbur kontrollin mbi veten dhe ishte përballur me mendime shumë të rënda.
“Askush nuk e kuptonte çfarë po më ndodhte në atë moment,” u shpreh ajo, duke theksuar ndjesinë e vetmisë që kishte përjetuar.
Në rrëfimin e saj, Sara bëri të ditur se pas asaj periudhe kishte përfunduar në spital në gjendje të rënduar, një moment që shënoi një kthesë të fortë në jetën e saj. Ajo shtoi se nuk e kishte menduar kurrë se mund të arrinte në një pikë kaq të vështirë.
Megjithatë, ajo theksoi se forca për të vazhduar erdhi nga familja, veçanërisht nga dy djemtë e saj. “Ata ishin arsyeja pse vendosa të ngrihem sërish,” u shpreh Sara, duke e bërë të qartë se ata mbeten mbështetja më e madhe në jetën e saj.
Ndërkohë, ditët e fundit, Sara ka qenë pjesë edhe e disa debateve të forta brenda fermës.
