Kreu i Partisë Demokratike, Sali Berisha, në një dalje për mediat pas mbledhjes së grupit parlamentar demokrat, ka sulmuar qeverin&eu...
SHOWBIZ
Shpërndarja e videove dhe imazheve nga varrimi i Eldion Kelmendit, reagon ashpër Xheneta Fetahu: Lëreni dhimbjen të mbetet aty ku është
PiranjatPërditësimi i fundit 28 Shtator 2025, 12:56
Pas tragjedisë që ka goditur familjen Kelmendi, Xheneta Fetahu ka bërë një reagim në rrjetet sociale, duke i kërkuar të gjithëve që të tregojnë respekt dhe mëshirë ndaj dhimbjes që po përjeton kjo familje. Ajo shprehu shqetësimin e saj për shpërndarjen e pamjeve dhe videove nga varrimi i Eldion Kelmendit, vëllait të këngëtarit Gjesti, duke theksuar se kjo po e rëndon edhe më shumë dhimbjen që po kalon familja.
Xheneta shpreh tutje falënderime për mikpritjen dhe përzemërsinë që treguan anëtarët e familjes Kelmendi gjatë kësaj periudhe të vështirë, por gjithashtu i bëri thirrje publikut që të mos shpërndajnë më pamje nga ceremonia mortore. Ajo theksoi se çdo video apo foto e postuar e bën më të vështirë për familjen përballimin e tragjedisë që u ka ndodhur.
"Apeli im është i qartë, mos i ndani videot dhe fotot nga varrimi. Lëreni dhimbjen të mbetet aty ku është, brenda atyre që po e përjetojnë, jo në duar të rrjeteve sociale," shkroi ajo, duke kërkuar që respekti për të dhimbshmit të jetë përparësor.
Xheneta gjithashtu kërkoi që të tregohet njerëzi dhe të respektohet dhimbja e familjes. "Nuk po ju lypim gjë tjetër, veçse respekt për ata që po vuajnë," theksoi ajo.
Varrimi i Eldion Kelmendit u shpërnda gjerësisht në rrjetet sociale, por pati thirrje të shumta për të ndaluar shpërndarjen e pamjeve të tilla, duke kërkuar që të respektohej privatësia dhe dhimbja e familjes Kelmendi në këto momente të vështira.
