Mijëra qytetarë pritet të mblidhen sërish sot në protestën e 16, duke kërkuar largimin e kryeministrit Rama.
Nën slog...
SHOWBIZ
Stilistja e fustanit nga Kosova, shefi i kuzhinës nga Italia, Princ Leka dhe Blerta drejt altarit! Detaje nga ngjarja mbretërore
PiranjatPërditësimi i fundit 26 Shkurt 2026, 21:10
Princ Leka dhe e fejuara e tij Blerta Celibashi do të shkojnë së shpejti drejt altarit. Kështu ka konfirmuar vetë Princi për revistën franceze "Point de Vue", ndër më të njohurat në Europë për ngjarjet mbretërore.
"Jemi të lumtur dhe mirënjohës që historia jonë u vendos në faqen e parë të Point de Vue, me fotografi të mrekullueshme nga David Nivière dhe një artikull kaq të ndjerë nga Jérôme Carron. Blerta dhe unë i ruajmë këto kujtime me zemen plotë", shkruan Princi, teksa ndan faqe nga revista.
Piranjat kanë mësuar detaje nga ajo që do të jetë një ngjarje speciale mbretërore, një martesë e kuruar deri në detaje, por edhe me prezencën e një numri të vogël pjesëmarrësish, për të qenë sa më intime dhe e thjeshtë.
Më poshtë, por ju sjellim një pjesë nga specialja e revistës franceze:
Fejesa e tyre ishte një ëndërr. I fshehur në një pyll me pisha, duke dominuar një det bruz të larë nga dielli, kompleksi hotelier Kep Merli i vendosur në Rivierën shqiptare dhe i zgjedhur nga princi Leka dhe e fejuara e tij Blerta Celibashi për të festuar dashurinë e tyre të sapolindur ofronte një dekor idilik.
Përballë të ftuarve të tyre, çifti përcillte një ndjesi të këndshme dashurie dhe autenticiteti, sinqeriteti dhe thjeshtësie. E pranishme në festë, princesha Géraldine, 5 vjeçe, vajza e princit Leka dhe e bashkëshortes së tij të parë Elia Zaharia, ndante lumturinë e tyre. Imazhi qetësues i një familjeje të ribashkuar pas një divorci delikat.
Tre muaj më vonë, princi trashëgimtar i fronit të Shqipërisë dhe e fejuara e tij dëshirojnë të ofrojnë të njëjtën atmosferë intimiteti dhe lumturie për martesën e tyre, edhe pse shumë detaje mbeten ende për t’u finalizuar.
« Më e rëndësishmja për ne është të jemi të rrethuar nga të afërmit tanë dhe ta ndajmë këtë moment me ta, me sinqeritet dhe ndjeshmëri. Ne ëndërrojmë një ceremoni të shënuar nga thjeshtësia dhe eleganca… pa bujë dhe pretendim, thjesht një moment autentik dhe prekës », na rrëfen princi.
Për të organizuar dasmën e tij në mënyrën më të mirë, çifti ka kërkuar sërish Sara Event, e cila kishte punuar për fejesën e tyre. Kjo kompani, që në fillim ishte e specializuar në fustane nusërie, është bërë referencë në organizimin e eventeve të nivelit të lartë në Tiranë.
« Ata janë shumë profesionistë dhe kanë bashkëpunuar tashmë me familjen mbretërore në shumë raste, për ngjarje publike dhe historike », na konfirmon princi Leka.
Çka nuk i pengon të fejuarit të marrin të gjitha vendimet e tyre të dy. « Edhe pse kemi fatin të ndihmohemi nga persona të besueshëm dhe kompetentë. »
Nëse vendi dhe data mbeten ende për t’u përcaktuar, programi po merr formë me kalimin e ditëve: një koktej mirëseardhjeje në prag të ceremonisë dhe një darkë po atë ditë. Mbi të gjitha, princi Leka dhe e fejuara e tij duan një dasmë sipas imazhit të tyre: « Blerta dhe unë jemi mjaft klasikë. Ne privilegjojmë elegancën, që e gjykojmë më të përjetshme se tendencat e momentit, duke i dhënë rëndësi detajeve. Megjithatë, nuk kemi zgjedhur ende ngjyrat dominuese të ceremonisë. »
Sa i përket kënaqësive gastronomike, shefi shqiptar dhe mik i familjes Erion Fejzaj do të vijë posaçërisht nga Firence për të përgatitur darkën. Që në origjinë të drekës së fejesës, ai do të lartësojë edhe një herë kuzhinën mesdhetare, të përshkuar nga ndikime osmane, pa harruar një menu vegjetariane për të kënaqur shijet e nuses së ardhshme.
Me unaza të firmosura Tiffany & Co., Blerta ka zgjedhur gjithashtu stilin e fustanit të saj të ardhshëm.
« Krijuesja kosovare Diana Qerimi është një nga më të talentuarat e brezit të saj. Ndjeshmëria e saj është në përputhje me mënyrën se si Blerta e imagjinon veshjen e saj, e menduar në homazh për gjyshen time, princeshën Géraldine, e njohur për elegancën e saj. Ajo do të jetë në mënyrë delikate e theksuar me simbole shqiptare », detajon princi.
Dashuria dhe sinqeriteti janë fjalët-kyçe të kësaj martese princërore.
« Po finalizojmë ende detajet, por një gjë është që tani e sigurt: dëshirojmë që festimet të zhvillohen në diskrecion. Brenda dy vitesh, do të përkujtojmë një ngjarje me rëndësi të madhe historike: njëqindvjetorin e monarkisë shqiptare. Ne parashikojmë ta festojmë gjatë një grumbullimi më të madh, duke bashkuar miq dhe anëtarë të familjes mbretërore në Tiranë. » Një tjetër rast për të parë monarkinë në pamjen e saj më të bukur.
