Policia e Tiranës ka filluar verifikimin e videove me përmbajtje seksuale të cilat prej ditës së djeshme po qarkullojnë në rr...
SHOWBIZ
“Ta dish ti o Zelo ç’bëhet”, Ronela Hajati reagon pas skandalit të Adi Hilës
PiranjatPërditësimi i fundit 30 Shtator 2026, 20:14
“Një burrë i vërtetë do një grua të vetme, jo gra të ndryshme çdo natë.” Është ky mesazhi që Ronela Hajati ka zgjedhur të publikojë në Instagram, në një postim që vjen në kohën kur rrjeti “zien” për videot intime të Adrian Hilës.
Këngëtarja ka shpërndarë një imazh me një citim që i atribuohet aktorit Denzel Washington, ndërsa sipër tij ka shkruar: “Ta dish ti o Zelo ç’bëhet”. Postimi nuk përmend drejtpërdrejt Adi Hilën apo materialet që kanë qarkulluar, por vjen në një moment kur skandali ka marrë përmasa të mëdha në rrjetet sociale dhe indirekt, i referohet këtij skandali seksual.
Reagimi i Ronelës tërheq vëmendjen edhe për një arsye tjetër. Dy vite më parë, në tetor 2024, ajo bëri një deklaratë publike gjatë debatit që pasoi çështjen e Sean “Diddy” Combs, duke lënë të kuptohej se edhe në Shqipëri njihte persona që, sipas saj, mund të krahasoheshin me figurën e reperit amerikan. Në atë kohë, ajo shkroi se kishte “disa emra shqiposh” që i konsideronte sinonim të P. Diddy.
Deklarata shkaktoi reagime të shumta dhe Ronela u rikthye më pas me një tjetër sqarim në Instagram. Ajo tha se deklarata e saj ishte keqinterpretuar dhe kritikoi mënyrën se si, sipas saj, mediat dhe publiku trajtonin çështje të showbizit. Në atë reagim ajo përsëriti se, sipas saj, kishte persona në Shqipëri që mund të krahasoheshin me Diddy-n, madje deklaroi se emra të tillë gjendeshin “nëpër gazeta përditë”.
