Një 31-vjeçar është arrestuar në flagrancë në Tiranë, pasi u kap duke lëvizur i armatosur me një pistolet&eu...
SHOWBIZ
Tom Cruise lavdëron publikisht Kate Middleton: William bëri zgjedhje të zgjuar
PiranjatPërditësimi i fundit 29 Shtator 2026, 22:43
Aktori i njohur i Hollywood-it, Tom Cruise, ka folur me shumë superlativa për Kate Middleton dhe Princin William, pas takimit me çiftin mbretëror në premierën e filmit të tij të ri, “Digger”, në Londër.Cruise, 64 vjeç, u pyet për takimin me Princin dhe Princeshën e Uellsit gjatë premierës amerikane të filmit në Los Angeles, të hënën, më 28 shtator. Çifti mori pjesë në premierën botërore në Londër, ku u shfaqën së bashku në tapetin e kuq dhe ndoqën filmin e regjisorit Alejandro González Iñárritu.
“Ishte shumë argëtuese të ulesha atje dhe t’i shihja ata duke parë filmin dhe të isha pjesë e gjithë asaj përvoje”, tha Cruise për “Extra”.
Aktori vlerësoi veçanërisht përkushtimin e çiftit, duke i cilësuar si njerëz “të mrekullueshëm” dhe “vërtet argëtues”.
“Kam shumë respekt për ta. Ata janë njerëz të mrekullueshëm, shumë të përkushtuar ndaj vendit të tyre dhe asaj që po bëjnë në botë. Ata janë njerëz të shkëlqyer dhe vërtet argëtues, vërtet qesharakë”, u shpreh ai.
Por vëmendjen e Cruise e ka tërhequr veçanërisht Kate Middleton, për të cilën aktori pati vetëm fjalë të mira.
“Ajo ka një sens humori të shkëlqyer, vërtet të pabesueshëm. Është padyshim shumë inteligjente dhe shumë e këndshme. Të dy janë kaq karizmatikë dhe elegantë. Dhe ai fustan që veshi? I mrekullueshëm, absolutisht i mrekullueshëm”, tha Cruise.
Më pas, aktori bëri edhe një koment me humor për martesën e Princit William me Kate Middleton.
“William bëri mirë. Bravo, zgjedhje e zgjuar. Po, duhet t’i jap merita. Bravo, William. Zgjedhje e zgjuar”, tha Cruise.
Aktori tregoi gjithashtu se Princi William dhe Kate Middleton e kishin pëlqyer filmin dhe i kishin shkruar pas premierës.
“Ata u tronditën dhe u mahnitën dhe më shkruan më vonë: ‘Nuk mund të ndalojmë së menduari për filmin’”, rrëfeu Cruise.
Ky nuk ishte takimi i parë i aktorit me çiftin mbretëror në një premierë filmi. Në maj të vitit 2022, William dhe Kate morën pjesë në premierën londineze të “Top Gun: Maverick”, ku u fotografuan së bashku me Cruise.
Në atë kohë, aktori kishte treguar edhe për disa interesa të përbashkëta me Princin William, duke thënë: “Kemi shumë të përbashkëta. Të dy e duam Anglinë dhe të dy jemi pilotë, të dy e duam fluturimin”.
