Një ngjarje e rëndë është regjistruar në afërsi të ishujve të Ksamilit, ku është gjetur i pajetë n...
SHOWBIZ
Victoria Beckham i 'vendos vijën' të birit dhe bashkëshortes së tij, ja çfarë e përçau familjen e stilistes së njohur
PiranjatPërditësimi i fundit 30 Shtator 2025, 10:42
Pas muajsh të tërë spekulimesh dhe tensioni familjar, Victoria Beckham më në fund ka vendosur të flasë për marrëdhënien e saj të përkeqësuar me djalin e madh, Brooklyn Beckham. Stilistja e njohur dhe bashkëshortja e ish-futbollistit David Beckham, thuhet se ka “vendosur vijën” djalit të saj dhe bashkëshortes e tij, Nicola Peltz.
Sipas burimeve për The Mirror, gjithçka ka kulmuar gjatë xhirimeve të dokumentarit të saj të ri për Netflix, një projekt personal që, siç raportohet, ka nxjerrë në pah emocionet e fshehura dhe plagët e pazgjidhura brenda familjes.
“Ishte një rrëmujë e vërtetë emocionale për shkak të një gjëje të madhe që ende e prek marrëdhënia e saj e prishur me Brooklyn,” – tha një burim i afërt me familjen. “Por gjithashtu e bëri të kuptojë se nuk mund të vazhdonte të mendonte për dhimbjen e kësaj situate. Mjaft është mjaft.”
Mospjesëmarrja e Brooklyn në festën e 50-vjetorit të David Beckham në maj u përfol si një nga momentet më të dhimbshme për çiftin. Ndërkohë, distancimi gjithnjë e më i madh i Brooklyn-it nga familja Beckham është bërë temë e vazhdueshme në media, veçanërisht pas martesës së tij me aktoren dhe trashëgimtaren miliardere, Nicola Peltz.
Pavarësisht të gjithave, Victoria thuhet se është e vendosur të mos mbajë më barrën emocionale të kësaj marrëdhënieje të tensionuar. Ajo e sheh këtë periudhë si një kohë për t’u përqendruar në ata që janë pranë saj dhe që e mbështesin.
“Ajo e di që ai do të kthehet një ditë, por thjesht nuk është koha e duhur. Ky projekt e ka ndihmuar të kuptojë sa e bekuar është që ka një familje përreth saj,” – vazhdoi burimi.
Nga ana tjetër, Brooklyn Beckham, në një deklaratë për Daily Mail gjatë pjesëmarrjes në ndeshjen “All-Star të Ryder Cup”, u shpreh se është i fokusuar tek familja që po ndërton me Nicola.
“Gjithmonë do të ketë njerëz që do të thonë gjëra negative, por unë kam një grua shumë mbështetëse. Ne thjesht bëjmë gjënë tonë, i mbajmë kokat ulur dhe punojmë. Dhe jemi të lumtur,” – tha ai.
Brooklyn shtoi gjithashtu se nuk shqetësohet për komentet apo lajmet që qarkullojnë në media në lidhje me jetën e tij personale.
Megjithëse situata mbetet e tensionuar, Victoria Beckham shpreson që marrëdhënia me të birin të përmirësohet me kohën. Për momentin, ajo ka zgjedhur të mbrojë paqen e saj dhe të fokusohet tek njerëzit që janë aty për të, duke përfshirë dokumentarin e saj, që pritet të zbulojë më shumë nga jeta e saj personale dhe sfidat familjare.
