Euro kthehet sipër nivelit të 100 lekëve

TIRANA- Kursi i këmbimit të euros me lekun ka shënuar një rritje të ndjeshme ditën e premte. Sipas kursit zyrtar të këmbimit të Bankës së Shqipërisë, euro u këmbye me 100.19 lekë, duke arritur nivelin më të lartë që prej datës 5 gusht. Pas një rënieje graduale që pati nisur prej asaj date, euro zbriti deri në minimumin historik prej 99.6 lekësh më datë 20 gusht.

Në tre ditët e fundit, kursi iu kthye rritjes, ndërsa sot e kaloi përsëri kufirin e 100 lekëve duke arritur afër niveleve ku ka qëndruar me një lloj qëndrueshmërie gjatë gjithë sezonit veror. Megjithatë, kjo qëndrueshmëri ka qenë rezultat i pranisë së vazhdueshme në treg të Bankës së Shqipërisë. Prej muajit maj, banka qendrore ndërhyri me blerje direkte në tregun valutor për të mos lejuar një rënie të mëtejshme të kursit. Sipas Bankës së Shqipërisë, një forcim i mëtejshëm i lekut do të ishte në dëm të objektivit të inflacionit.

Në gjysmën e parë të këtij viti, inflacioni ka rënë poshtë objektivit prej 3% të bankës qednrore. Sipas INSTAT, në muajin korrik inflacioni vjetor ishte në nivelin 2.1%. Megjithatë, në javët e fundit Banka e Shqipërisë duket se është tërhequr nga kontrolli i kursit dhe nuk ndërhyri as pasi euro ra për herë të parë poshtë kufirit simbolik të 100 lekëve.

Sipas agjentëve të këmbimit valutor, as rritja e ditës së premte nuk lidhet me ndërhyrje të Bankës së Shqipërisë, por me një rritje të përkohshme të kërkesës së tregut për valutë. Rritja të shpejta dhe afatshkurtra të kursit të euros kanë qenë të shpeshta në vitet e fundit, veçanërisht në periudhat pas rënieve drastike të tij.

Një kurs i ulët i euros krijon nxitje për të shfrytëzuar momentin dhe për të blerë, nga subjektet që mund të eknë nevojë për valutë në aktivitetin e tyre. Edhe rritja e ditës së premte duket të ketë tipare të tilla. Rritja e kursit të euros është reflektuar edhe në kursin e valutave të tjera kryesore ndaj lekut. Edhe dollari amerikan u kthye sot sipër nivelit të 90 lekëve.

Në fakt, në dinamikën historike të kursit një zhvendosje në rritje e kursit pas kalimit të pikut të sezonit veror është pak a shumë e pritshme, për shkak të rënies së ofertës valutore të lidhur me turizmin. Megjithatë, në vitet e fundit, ecuria e kursit është bërë më pak e parashikueshme, për disa arsye. Turizmi hyrës tashmë është më i shpërndarë në kohë dhe amplitudat e ofertës së valutës mes muajve të verës dhe muajve të tjerë të vitit duket se janë ngushtuar. Nga ana tjetër, luhatshmëria ka ndikuar edhe sjelljen e aktorëve të tregut.

Në periudha kur kursi është veçanërisht i ulët, shpesh herë vërehet kërkesë e shtuar për të blerë valutë në avancë, duke shfrytëzuar momentin. Në disa raste kjo krijon edhe lëvizje të kursit jashtë tendencave historike apo sezonale. Një faktor tjetër që përbën risi këtë vit është ndërhyrja e Bankës së Shqipërisë, që ka prodhuar një kurs këmbimi pothuajse të fiksuar në periudhën mes muajve maj dhe korrik. Për këtë arsye, parashikimi i atij që mund të jetë kursi i lirë, produkt i faktorëve të tregut, në muajt e ardhshëm është më i vështirë.

Të dhënat e deritanishme dëshmojnë një ofertë të lartë të euros në tregun valutor. Sipas Bankës së Shqipërisë, volumet e tregtimit valutor u rritën me 30% në tremujorin e dytë të vitit. Kjo normë rritjeje ishte gati tre herë më e lartë krahasuar me të njëjtën periudhë të një viti më parë./ Monitor

euro

Galeria fotografike (

)

Artikuj te sugjeruar

M.B. SOCIALE 23 Gusht07:50

Banka e Shqipërisë: Kredia për biznesin në 6-mujorin e parë arriti rritjen më të madhe në një dekadë

TIRANA- Kredia për biznese u rrit me 12% mesatarisht në gjashtëmujorin e parë të vitit, duke shënuar një rritje vjetore rek...

M.B. SOCIALE 23 Gusht07:49

Të dhënat: OSHE, KESH dhe OST realizuan 54 mln euro fitime në 3-mujorin e parë 2024, rënie vjetore me 33%

TIRANA- Kompanitë publike të energjisë OSHE, KESH dhe OST realizuan 5,4 miliardë lekë fitime (54 mln euro) në tremujorin e par&e...

M.B. SOCIALE 23 Gusht07:41

Do të keni një dëshirë të shfrenuar për të shpenzuar, parashikimi i Horoskopit për sot

Dashi Sot kredoja juaj do jetë të përfitoni sa më shumë nga çdo moment për të folur hapur e pse jo për t'iu dh...

M.B. SOCIALE 22 Gusht11:59

"Dhe jeta vazhdon të bëhet më e mirë!" Feston sot 29-vjetorin e lindjes, rrugëtimi i Dua Lipës drejt majave të suksesit botëror

Dua Lipa BRITANI- Këngëtarja shqiptare me famë botërore, Dua Lipa sot feston ditëlindjen. Dua mbush sot 29-vjeç d...

M.B. SOCIALE 22 Gusht09:32

“Anulimi i koncerteve tona ishte shkatërrues", Taylor Swift thyen heshtjen për sulmin e planifikuar terrorist në shfaqjen e saj: U ndjeva fajtore

Taylor Swift SHBA- Këngëtarja Taylor Swift ka thyer heshtjen për sulmin e planifikuar terrorist në Vjenë në një nga...

M.B. SOCIALE 22 Gusht07:34

Asnjeri nuk do të të hapë rrugë, parashikimi i Horoskopit për sot

Dashi Gjatë kësaj dite do dini të merrni vendimet e duhura dhe jeta do futet në periudhën më të bukur të mundshme. Ju...

M.B. SOCIALE 21 Gusht10:42

Banka e Shqipërisë: Rritja e kostove të punës për njësi po ngadalësohet

TIRANA- Rritja e treguesit të kostos së punës për njësi po ngadalësohet në tremujorët e fundit. Sipas Bankës s&eu...

M.B. SOCIALE 21 Gusht07:27

U martuan dy dekada pas ndarjes, Jennifer Lopez bën kërkesë për divorc nga Ben Affleck

Ben Affleck dhe Jennifer Lopez SHBA- Jennifer Lopez dhe Ben Affleck, yjet e Hollivudit që rindezën romancën dhe u martuan dy dekada pas nj&e...

M.B SOCIALE 21 Gusht07:24

Një ditë vërtet të bukur dhe emocionuese, parashikimi i Horoskopit për sot

Foto ilustruese Dashi Dita e sotme nuk ka për të qenë aq e mirë sa ju e keni ëndërruar. Ne mbrëmje mund t’iu ndod...

M.B. SOCIALE 20 Gusht13:33

Banka e Shqipërisë e “lëshon” kursin: Euro prek minimum të ri historik, dollari në nivelin më të ulët që nga 2008

TIRANA- Kursi i këmbimit të euros po vijon rënien edhe këtë javë, duke vendosur rekorde të reja historike. Sipas kursit zyr...