Bordi i Transparencës ka vendosur sot (4 qershor) çmimet e reja për shitjen e karburanteve në treg.
Sipas njoftimit, nafta ësht&eu...
SOCIALE
FOTO/ Më shpejt mbërrin në Elbasan se nga një zonë në një tjetër në Tiranë. Betonieret pushtojnë kreqytetin në mes të ditës
PiranjatPërditësimi i fundit 22 Shtator 2025, 19:33
Trafiku në Tiranë është kthyer një makth për banorët e kryeqytetit, që detyrohet të rrinë me kohë të stërzgjatur të bllokuar në rrugë. Me nisjen e vitit të ri shkollor situata është vështirësuar edhe më shumë për ata që qarkullojnë me automjete. Në ditë të caktuara, për të shkuar nga një pikë e kryeqytetit në tjetrën, të merr më shumë kohë se sa të mbërrish në Durrës apo Elbasan.
E trafiku në Tiranë ka ardhur edhe për shkak se vitet e fundit kryeqyteti ka si “peizazh” betonieret dhe kullat të cilat dalin si “kërpudhat pas shiut” me miliona euro që investohen në treg nga mafia dhe krimi të cilët marrin bekimin e qeveritarëve.
E si masë për të lehtësuar sadopak trafikun, Bashkia e Tiranës që prej vitit 2022 ka marrë një vendim për të kufizuar qarkullimin e betoniereve. Më konkretisht, sipas vendimit, betonieret nuk lejohet të qarkullojnë brenda territorit të Unazës së Vogël që prej orës 08:00 deri në orën 20:00, ndërsa gjatë sezonit turistik nuk lejohen fare gjatë kësaj fashe orari për të shmangur trafikun.
Por, realiteti është krejt tjetër situatë ku duket se Policia e Tiranës “mbyll sytë” para korrupsionit të oligarkëve të betonit.
Të gjitha pamjet që shihni më poshtë, të siguruara nga Boldnews.al, janë fotografuar ditën e sotme (e hënë, 22 shtator), ku betonieret qarkullojnë lirshëm në rrugët e Tiranës.
Fotografitë janë bërë në rrugët rreth qendrës së Tiranës, përfshirë edhe Unazën e Vogël, ku qarkullimi i betoniereve është rreptësisht i ndaluar para orës 20:00.
Sot kanë qarkulluar një numër i madh betonieresh në Tiranë, ndërsa po ashtu vazhdojnë edhe punimet e zhurmshme në kaniterët e ndërtimeve.
Deri më tani, askush nuk ka dalë zyrtarisht të thotë se vendimi për kufizimin e qarkullimit të betoniereve nuk është më në fuqi dhe teorikisht ato e kanë ligjërisht të ndaluara të qarkullojnë në rrugët e Tiranës para orës 20:00.
Nisur nga realiteti në terren, pyetjet që shtrihen janë nëse a është në dijeni Drejtori i Përgjithshëm i Policisë së Shtetit, Ilir Proda për këtë situatë? A është i përfshirë dhe ai në këtë skandal, apo këtë gjë e bëjnë vartësit e tij me kokën e tyre?
Më konkretisht, përgjegjësia pas kryepolicit Ilir Proda shkon tek Drejtori i Drejtorisë Vendore të Policisë së Tiranës, Elton Alushi dhe shefi i ri i Qarkullimit Rrugor në kryeqytet, Neritan Buzi.
A mos ndoshta Eltoni dhe Neritani po hanë “dardha dhe kumbulla” pas shpinës së Ilirit?
