Kryeministri Edi Rama ka ndarë mëngjesin e sotëm në rrjetet sociale një video që I është dërguar nga një qyt...
SOCIALE
Indeksim apo tallje? Pensionistët marrin vetëm 5 euro në muaj
PiranjatPërditësimi i fundit 2 Tetor 2025, 15:29
Vetëm 5 euro në muaj, kjo është rritja që marrin pensionistët shqiptarë pas indeksimit me inflacionin 2.4% për vitin 2025. Për një pension prej 20 mijë lekësh, shtesa është vetëm 480 lekë, një shumë që nuk mbulon as bukën dhe ilaçet e përditshme. Për shumë të moshuar, kjo nuk është ndihmë, por tallje me dekada pune e kontributesh të lëna pas dore.
Këtë realitet e thekson edhe drejtoresha ekzekutive e “Shoqërisë Shqiptare për të Gjitha Moshat”, Mira Pirdeni, e cila nënvizon pabarazinë dhe vështirësitë me të cilat përballen të moshuarit, veçanërisht gratë:
“Pensionet e vogla duhet të rriten, sepse janë njerëz të cilëve u janë ngrënë kontributet, dhe në mënyrë të veçantë gratë e moshuara, të cilat kanë punuar në të gjitha industritë e vendit dhe kanë mbajtur jetën ekonomike të vendit, sot marrin pensione shumë të ulëta. Këto janë nën nivelin e varfërisë, nuk janë pensione normale. Unë personalisht marr pension të ulët edhe pse kam punuar për 35 vite në Institutin e Shëndetit Publik, dhe 35 vite kam pasur vullnetarizëm të papaguar. Pensioni im është 280 mijë lekë. Çfarë mund të bëj unë me 280 mijë lekë? Pse duhet të jem një grua e varur, kur kam kaq shumë kontribut, ndërkohë që disa njerëz pa kontribute të dukshme marrin pensione më të larta?”
(Të gjitha të drejtat e këtij materiali janë pronë ekskluzive dhe e patjetërsueshme e Piranjat.al sipas ligjit Nr. 35/2016 “Për të drejtën e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi pa autorizimin e Piranjat.al në të kundërt çdo shkelës do të mbajë përgjegjësi sipas nenit 179 të Ligjit 35/2016)
