Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
SOCIALE
Minatorët e Balrit në Mirditë bllokojnë minierën për kushtet e punës dhe pagat e ulëta
PiranjatPërditësimi i fundit 13 Tetor 2025, 11:01
Minatorët e Balrit në Spaç të Mirditës protestuan këtë të hënë duke bllokuar hyrjen kryesore të kompanisë. Ata protestojnë për kushtet e vështira në punë dhe nivelin e ulët të pagave. Rreth 70 minatorë thonë se do të vazhdojnë protestën deri në plotësimin e kërkesave të tyre.
“I ruajt Zoti të gjithë djemtë e Spaçit. Zoti më vraftë, se atëherë futemi në galeri, bëjmë kryqin që të dalim gjallë prej aty prej pasigurisë. 20-30 mijë lekë janë duke i marrë edhe si kamarier. Këto thonë duhet performanca, në punë, të rrejnë me 2 mijë lekë. Ne jemi në vendin tonë, edhe themi medet, duhet me marrë rrobat dhe me ik nga vendi ynë.”
Një punëtor tjetër, i cili është themelues dhe organizator i kompanisë, deklaroi:
“Më kanë zhgënjyer me rrogat dhe me kushtet. Brenda ligjit dhe kushtetutës, ne duam kushte për punë, se s’jemi tu bo luftë me turqit, por duam drejtësi për vendin tonë të punës. Unë kam 35 vite këtu, punoj nëntokë.”
Një banor i tretë shtoi:
“Kemi dalë këtu për djersën tonë, për punën që na kanë mohuar këta. Pagat e ulëta, është turp me e ngju kush, marrim sa një pastrues. As maska nuk kemi dhe akoma po qëndrojmë këtu vetë për besën, se besa e mirë është e madhe shumë.”
Situata e krijuar në minierën e Balrit është një pasqyrë e vështirësive që përballen punonjësit e sektorit minerar në vend.
Banorët dhe punonjësit kërkojnë ndërhyrje të menjëhershme nga institucionet shtetërore dhe drejtuesit e kompanisë, për të siguruar kushte më të mira pune dhe paga që reflektojnë punën e tyre.
