Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
SOCIALE
"Gjimnazet nisin pa roje” – 70% e shkollave pa oficerë sigurie, qeveria kapet në befasi dy ditë para nisjes së vitit
PiranjatPërditësimi i fundit 6 Shtator 2025, 13:56
Me nisjen e vitit të ri shkollor 2025-2026, më shumë se 70% e shkollave në Shqipëri do të mbeten pa oficerë sigurie, ndërkohë që numri i tyre është shumë larg nevojave. Sipas të dhënave të INSTAT, në vend ka rreth 1400 shkolla 9-vjeçare dhe të mesme, ndërsa ministria e Arsimit njoftoi vetëm 60 oficerë sigurie të gatshëm për t’u vendosur nëpër shkolla në ditën e parë të vitit shkollor.
Ideja për vendosjen e oficerëve të sigurisë në shkolla u prezantua nga Qeveria si një masë kryesore për të luftuar dhunën dhe bullizmin në ambientet arsimore që nga viti 2023. Sipas planit, në tetor pritet që të jenë në punë rreth 400 oficerë sigurie, por kjo sërish mbulon vetëm një pjesë të vogël të shkollave në vend.
Në fakt, kjo do të thotë që rreth 70% e shkollave nuk do të kenë mbështetje të mjaftueshme në këtë drejtim për këtë vit, duke vënë në dyshim efektivitetin e masave të marra për sigurinë e nxënësve. Ministrja e Arsimit është justifikuar se trajnimi i oficerëve të tjerë po vijon dhe se shifra do të rritet gradualisht, por kjo shtyn zbatimin e një prej masave më të rëndësishme për sigurinë në shkolla.
Premtim i pa mbajtur
Nisma për vendosjen e oficerëve të sigurisë në shkolla në Shqipëri u prezantua për herë të parë në shkurt 2018 nga kryeministri Edi Rama, si pjesë e një projekti pilot në 15 gjimnaze të Tiranës.
Qëllimi ishte garantimi i një mjedisi më të sigurt për nxënësit dhe parandalimi i dhunës dhe bullizmit në institucionet arsimore.
Aktualisht, ministrja e Arsimit dhe Sportit, Ogerta Manastirliu, ka theksuar rëndësinë e përforcimit të pranishmërisë së oficerëve të sigurisë në institucionet arsimore dhe shtrirjen e shërbimit psiko-social në sistemin arsimor parauniversitar.
Dy ditë përpara nisjes së mësimit, ministrja e Arsimit, Ogerta Manastirliu tha se të hënën do të jenë në punë vetëm 60 oficerë sigurie, ndërsa numri do të shkojë në 400 për pak javë.
Megjithatë, për shkak të numrit të madh të shkollave në vend (rreth 1400), aktualisht vetëm një pjesë e tyre do të kenë të pranishëm oficerë sigurie, ndërsa për pjesën tjetër pritet që trajnimi dhe rekrutimi të vijojë në muajt në vijim. Kjo situatë ka ngjallur shqetësim tek prindërit dhe mësuesit, të cilët kërkojnë masa më efektive dhe të menjëhershme për mbrojtjen e fëmijëve në ambientet shkollore./Piranjat.al
