Pas denoncimit të Arben Ahmetajt, mediat reagimet ishin të shumta. Por mbi të gjitha, në të njëjtën kohë që Arben A...
SOCIALE
Shtrenjtohen qiratë e apartamenteve, interes edhe për periferinë
PiranjatPërditësimi i fundit 19 Prill 2026, 11:57
Gjatë muajit të kaluar, qiratë janë rritur me 4%, duke u kthyer në një nga faktorët kryesorë që kanë ndikuar në rritjen e inflacionit, sipas të dhënave nga INSTAT. Megjithatë, sipas ekspertëve të pasurive të paluajtshme, kjo është një periudhë e favorshme për të marrë një banesë me qira.
“Rritja e çmimeve zakonisht nis në muajt prill dhe maj. Aktualisht tregu është i mbushur me oferta dhe një qytetar i informuar mund ta marrë tani një pronë me qira, duke negociuar edhe çmimin. Nga maji dhe në vazhdim pritet që qiratë të rriten, duke arritur kulmin në muajt shtator-tetor”, tha Ervin Demirxhiu ekspert i pasurive të paluajtshme.
Sipas ekspertëve, zonat pranë qendrës kanë njohur një stabilizim të çmimeve, ndërsa interes në rritje po merr zona e Paskuqanit.
“Janë zona që nuk kanë pasur shumë ndërtime kohët e fundit, si Komuna e Parisit apo zonat pranë qendrës, ku çmimet janë stabilizuar. Ndërsa zonat që pritet të kenë çmime më konkurruese janë ato si Paskuqani, për shkak të numrit të lartë të ndërtimeve të reja që ende nuk janë hedhur plotësisht në treg”, tha Demirxhiu.
Sipas agjentëve imobiliarë, çmimet e qirave pranë qendrës për apartamente të tipologjisë 1+1 variojnë nga 500 deri në 800 euro, ndërsa pritet që gjatë verës ato të rriten më tej, të ndikuara edhe nga fluksi i turistëve në vend.
