Në prag të miqësores Shqipëri – Izrael, e cila do të mbahet sonte në stadiumin “Air Albania” të Tiran&...
SPORT
Analiza e shifrave, Partizan i balancuar! Më shumë pikë në “Arenën e Demave”, por golat i gjetën në transfertë
PiranjatPërditësimi i fundit 1 Qershor 2026, 15:51
Sezoni i fundit i Partizanit u karakterizua nga shumë luhatje në rezultate, por një nga aspektet që meriton vëmendje të veçantë është mënyra se si skuadra u paraqit në ndeshjet e luajtura në “Arenën e Demave” krahasuar me ato të zhvilluara larg kryeqytetit. Analiza e shifrave tregon se diferencat mes dy bilanceve nuk ishin të mëdha, ndërsa në disa tregues statistikorë të kuqtë paraqitën një ecuri pothuajse të ngjashme si në shtëpi ashtu edhe në transfertë.
SHIFRAT- Në 18 ndeshjet e zhvilluara në stadiumin e tyre, Partizani arriti të grumbullonte 26 pikë, çka përkthehet në një mesatare prej 1.44 pikësh për takim. Ndërkohë, në 18 sfi dat e luajtura jashtë fushe, skuadra koleksionoi 22 pikë ose 1.22 pikë për ndeshje. Diferenca mes dy bilanceve është vetëm katër pikë, një tregues që dëshmon se rendimenti i ekipit nuk ndryshoi në mënyrë drastike nga njëri skenar te tjetri. Megjithatë, nëse analizohen më në detaje shifrat, vihet re se Partizani shënoi më shumë gola në transfertë sesa në stadiumin e vet. Në “Arenën e Demave”, të kuqtë realizuan 18 gola në 18 ndeshje, pra mesatarisht një gol për takim. Ndërkohë, në transfertë skuadra gjeti rrugën e rrjetës 20 herë, duke regjistruar një mesatare pak më të lartë në aspektin ofensiv.
GOLAT E PËSUAR- Nga ana tjetër, edhe numri i golave të pësuar ndryshon mes dy bilanceve. Në ndeshjet e luajtura në shtëpi, Partizani pësoi 21 gola, ndërsa jashtë fushe ky numër shkoi në 27. Kjo do të thotë se skuadra pësoi gjashtë gola më shumë në transfertë, duke refl ektuar edhe vështirësitë që zakonisht hasen në ndeshjet larg stadiumit të vet. Në total, nga 48 pikët e grumbulluara gjatë kampionatit, më shumë se gjysma erdhën në ndeshjet e zhvilluara në kryeqytet. Kjo tregon se “Arena e Demave” mbeti burimi kryesor i pikëve për skuadrën, edhe pse diferenca me ndeshjet jashtë fushe nuk rezultoi shumë e theksuar. Një tjetër statistikë interesante lidhet me renditjen e skuadrave në bazë të rezultateve në transfertë. Partizani e mbylli sezonin si ekipi i katërt më i mirë i kampionatit në këtë aspekt. Vetëm Egnatia dhe Elbasani grumbulluan më shumë pikë larg fushës së tyre, ndërsa Tirana kishte të njëjtin total pikësh me të kuqtë. Diferenca mes dy skuadrave kryeqytetase u përcaktua nga numri i golave të pësuar. Tirana mbylli sezonin me 26 gola të pësuar në transfertë, ndërsa Partizani me 27. Sa i përket golave të shënuar, të dy ekipet regjistruan të njëjtin bilanc me nga 20 realizime secila. Kjo statistikë tregon se Partizani arriti të mbante një nivel të qëndrueshëm edhe larg Tiranës, duke siguruar pikë të rëndësishme në disa prej transfertave më të vështira të kampionatit. Në fakt, një pjesë e konsiderueshme e rezultateve pozitive të sezonit erdhën pikërisht në ndeshjet e zhvilluara jashtë fushe. Ndërkohë, analiza e ndeshjeve në shtëpi nxjerr në pah një tjetër element interesant. Në “Arenën e Demave”, Partizani realizoi 18 gola dhe pësoi 21, çka tregon se raporti mes repartit ofensiv dhe atij difensiv nuk ishte në ekuilibër të plotë. Një situatë e ngjashme vihet re edhe në transfertë, ku skuadra shënoi 20 gola dhe pësoi 27. Shifrat e përgjithshme tregojnë se Partizani e mbylli kampionatin me 38 gola të shënuar dhe 48 të pësuar. Nga këta, 18 gola u realizuan në shtëpi dhe 20 në transfertë, ndërsa 21 gola u pësuan në “Arenën e Demave” dhe 27 larg saj.
SEZONI I RI ME NDRYSHIME NË STADIUM Përtej statistikave të sezonit që sapo u mbyll, një element që pritet të ndikojë në të ardhmen është edhe ndryshimi që do të pësojë stadiumi i Partizanit. Duke fi lluar nga sezoni i ardhshëm, “Arena e Demave” nuk do të ketë më tapetin aktual, pasi fusha do t’i nënshtrohet një rikonstruksioni të rëndësishëm. Projekti parashikon instalimin e një sistemi hibrid, që kombinon barin natyral me atë artifi cial. Ky investim lidhet edhe me Kampionatin Europian U-21 të vitit 2027, i cili do të organizohet nga Shqipëria dhe Serbia, me “Arenën e Demave” që do të jetë një nga stadiumet pritëse të turneut. Për rrjedhojë, sezoni i ardhshëm do ta gjejë Partizanin në një ambient të ndryshuar sa i përket kushteve të fushës. Ndërsa bilanci i kampionatit të fundit tregon një diferencë të vogël mes rezultateve në shtëpi dhe atyre në transfertë, mbetet për t’u parë nëse ky ndryshim do të refl ektohet edhe në rendimentin e skuadrës në vitin e ardhshëm. Ajo që tregojnë shifrat e sezonit të fundit është se Partizani siguroi 26 pikë në “Arenën e Demave” dhe 22 jashtë fushe, duke mbajtur një balancë relativisht të afërt mes dy bilanceve. Në fund të kampionatit, kjo përbën një nga aspektet më interesante për t’u analizuar në ecurinë e të kuqve gjatë 36 javëve të sezonit.
