Pak ditë para nisjes së vitit të ri shkollor, Drejtori i Përgjithshëm i Policisë së Shtetit, Skënder Hita, zhvilloi nj...
SPORT
“Pata një ofertë shumë të mirë në janar, por u prish në momentet e fundit”/ Uzuni flet për Kombëtaren: Askush nuk është i mirëpritur nëse…
PiranjatPërditësimi i fundit 1 Qershor 2026, 12:14
Sulmuesi i Kombëtares, Myrto Uzuni ka dalë në konferencën e zakonshme për mediat në prag të ndeshjeve miqësore kundër Izraelit dhe Luksemburgut. Ai foli për trajnerin e ri, qëllimet e ekpit si dhe për faktin që pati një ofertë të mirë nga një klub në janar, por u prish në momentet e fundit.
“Faleminderit për urimin, kur stafi është i ri ashtu do të jetë edhe sistemi. Trajneri i ri preferon të luajë ultra-ofensiv dhe siç ka ndodhur ku ka trajnuar edhe më parë, sulmuesit e vet kanë shënuar shumë gola.
Normalisht kam kontratë me ekipin e Austin, kam pasur një ofertë shumë të mirë në janar dhe ka qenë pothuajse e mbyllur si transfertë, por në momentet e fundit është prishur për shkak se edhe klubi i Austin nuk kishte shumë prurje në ekip.
Normale gjithsecili dëshiron të tregojë veten, të gjithë lojtarët kanë kualitet, të gjithë mund të luajnë titullarë në ekipin Kombëtar, për shkak se janë lojtarët më të mirë të Shqipërisë. Në radhë të parë i uroj shumë suksese trajnerit Silvinjo, kemi bërë sukses me atë trajner. Nëse flasim për trajnerin e ri sulmuesit e tij kanë shumë gola në skuadrat e tjera dhe shpresoj të ndodh e njëjtja gjë edhe këtu tek ne.
Kur luan për ekipin Kombëtar normalisht ke qëllime se luan për kombin dhe ne duam që të dalim të parë në Ligën e Kombeve dhe të kualifikohemi për Europianin, këto janë qëllimet që na shtyjnë ne përpara. Në qoftë se një lojtar nuk ka urinë ose dëshirën për të luajtur në Europian apo për të fituar, atëherë nuk është i mirëpritur në ekipin Kombëtar”, deklaroi Myrto Uzuni.
