Në Korçë po mbahen homazhe ndaj efektivit që humbi jetën një ditë më parë gjatë operacionit policor.
...
SPORT
Botërori 2026/ Ancelotti: Grup i vështirë, duhet të mposhtim Marokun
PiranjatPërditësimi i fundit 6 Dhjetor 2025, 20:43
Carlo Ancelotti i shikon pak me shqetësim skuadrat kundërshtare që Brazili do të ketë në Botërorin 2026. Në fazën e grupeve, 5 herë kampionët e botës do të përballen me Marokun, Skocinë dhe Haitin.
“Maroku bëri shumë mirë në botërorin e fundit, në Katar 2022, ku arriti deri në gjysmëfinale, ndërsa Brazili u eliminua në çerekfinale, - theksoi Carlo Ancelotti për kanalin brazilian Sport TV. - Skocia ka një skuadër shumë të fortë. Do të jetë shumë e vështirë. Duhet të renditemi të parët në grup.
Sidomos duhet të përgatitemi mirë për ndeshjen e parë që do të jetë shumë e rëndësishme për të menduar fitoren e të 3 ndeshjeve. Sfida e parë ndaj Marokut do të jetë më e vështira, pastaj vijnë dy ndeshjet e tjera, duhet të kemi besim.”
Në muajin mars, Brazili do të luajë dy ndeshje miqësore me Francën dhe Kroacinë në SHBA, ndërkohë që përsa i përket Neymar dhe kthimit të tij në kombëtare, pas 2 vitesh. Ancelotti dha shpresë yylit brazilian duke shpjeguar se do të zgjedhë skuadrën e tij në muajin maj.
“Nëse Neymar meriton të jetë në Botëror, nëse është në formë më të mirë se çdokush tjetër, do të luajë, - tha Ancelotti, duke shtuar, - nuk i detyrohem asgjë askujt”.
