Situata përpara Ministrisë së Arsimit ka përshkallëzuar sërish në përplasje të dhunshme fizike mes efektivëv...
SPORT
Cardinale humbet durimin! Milani në krizë, trajneri dhe ekipi nuk po i përgjigjen objektivave
PiranjatPërditësimi i fundit 13 Tetor 2026, 15:39
Afrimet e reja dhe trajneri Ruben Amorim nuk po I përgjigjen objektivave të Milanit, që aktualisht renditet ne vendin e pestë në kampionat. Sipas medieve vendase pakënaqësitë janë në rritje dhe nga Gerry Cardinale. Pronari ka shtuar presionin për të përmirësuar rezultatet në fushë, përndryshe do të marrë vendime drastike.
Problemet te Milani po shtohen dhe pakënaqësia duket se ka arritur edhe te pronari Gerry Cardinale. Rezultatet zhgënjyese, merkatoja e kritikuar dhe mungesa e një identiteti të qartë në lojë kanë vënë në pikëpyetje projektin e kuqezinjve.
Barazimi me Sassuolon në Reggio Emilia ka shtuar tensionin në klub, ndërsa drejtuesit kërkojnë një reagim të shpejtë për të shmangur një tjetër sezon larg objektivave madhorë.
Një nga shqetësimet kryesore lidhet me ndërtimin e skuadrës. Gonçalo Ramos, blerja më e shtrenjtë në historinë e klubit, është vënë nën presion për shkak të paraqitjeve të deritanishme, ndërsa mungesat në repartin ofensiv dhe në mbrojtje kanë nxjerrë në pah kufizimet e grupit. Dëmtimet e Saelemaekers dhe Gabbia e kanë vështirësuar edhe më shumë situatën.
Në klub po diskutohet gjithashtu nevoja për përforcime në merkaton e janarit, me një mbrojtës qendror, një alternativë për krahun e majtë dhe më shumë konkurrencë në sulm mes prioriteteve.
Por problemet nuk lidhen vetëm me lojtarët. Trajneri Ruben Amorim duhet t'i japë skuadrës një identitet të qartë, pasi ideja e presionit të lartë dhe lojës vertikale ende nuk po funksionon siç pritej. Milani qarkullon topin ngadalë dhe e ka të vështirë të krijojë hapësira e raste të rrezikshme.
Kalendari i ardhshëm është një tjetër sfidë, me përballje në Evropë ndaj Salzburgut, Bournemouthit dhe Ferencvárosit, si dhe ndeshje të vështira në kampionat kundër Atalantës, Udineses, Bolonjës, Interit dhe Genoas. Nëse situata nuk ndryshon, pakënaqësia e Cardinales mund të sjellë vendime të forta në strukturën drejtuese dhe në projektin sportiv të Milanit.
Aktualisht kuqezinjtë renditen të pestit ne tabelë pas 6 javësh kampionat.
