Pasi kanë kapur mat në rrugët e Tiranës Belinda Ballukun dhe Taulant Ballën, protestuesit këtë herë janë për...
SPORT
Cristiano Ronaldo e nis vitin e ri me humbje, Al Nassr tani rrezikon kreun
PiranjatPërditësimi i fundit 3 Janar 2026, 16:08
Një fillim jo i mirë i vitit për Cristiano Ronaldon. Ylli portugez nuk arriti të shënonte, madje pati një performancë të dobët pa krijuar asnjë rast, dhe skuadra e tij, Al Nassr, humbi 3-2 ndaj Al Ahli, që aktualisht ndodhet në vendin e katërt në klasifikim.
Ekipi i Jorge Jesus tani rrezikon të humbasë kryesimin në Ligën Saudite nëse Al Hilal, të cilët janë dy pikë prapa, fitojnë ndeshjen e tyre të dielën.
Dy gola nga Ivan Toney në pjesën e parë i dhanë Al Nassr epërsinë 2-0, por Al-Amri, me dy gola, barazoi rezultatin para përfundimit të pjesës së parë (2-2). Në pjesën e dytë, lojtari turk Demiral shënoi me kokë nga këndi për ta çuar rezultatin në 3-2.
Kjo humbje i dha fund serisë prej 10 fitoresh radhazi të Al Nassr, duke i regjistruar atyre një humbje në dy ndeshjet e tyre të fundit.
Cristiano Ronaldo e nisi vitin 2026 me 958 gola në emrin e tij. Kjo do të thotë se, me më pak se gjashtë muaj deri në fillimin e asaj që do të jetë Kupa e Botës për të gjashtën herë për të, ai është vetëm 42 gola larg arritjes së një synimit të tij që është padyshim më i madhi i arritur ndonjëherë në historinë e futbollit.
Ylli portugez është gjithashtu golashënuesi më i mirë në Ligën Profesioniste Saudite me 13 gola, së bashku me João Félix, i cili ka të njëjtin numër golash, por që gjithashtu nuk arriti të shënojë të premten.
Në fakt, ai pati një ndeshje larg pritshmërive. Cristiano ka 14 gola në 16 paraqitje këtë sezon 25-26… përveç pesë golave të tjerë për Portugalinë në pesë ndeshjet që ka luajtur në verë.
