Presidenti i Shteteve të Bashkuara, Donald Trump, ka deklaruar se është “absurde” që Uashingtoni të vazhdojë të...
SPORT
Dështimi në Botëror, Nagelsmann jep dorëheqjen nga Gjermania. Klopp drejt stolit të “Panzerave”
PiranjatPërditësimi i fundit 3 Korrik 2026, 13:13
Julian Nagelsmann ka dhënë dorëheqjen si trajner i Gjermanisë pas eliminimit në raundin e 1/16 të Kupës së Botës kundër Paraguait me penallti.
Sipas mediave gjermane, vendimi u mor pas një takimi krize me zyrtarë e lartë të Federatës Gjermane të Futbollit, të cilët i kërkuan trajnerit 38-vjeçar të jepte dorëheqjen. Menjëherë pas humbjes, Nagelsmann kishte përjashtuar mundësinë e largimit nga pankina.
Por rezistenca e tij nuk ka zgjatur, ndërsa edhe e ardhmja e drejtorit sportiv Rudi Völler dhe administratorit Andreas Rettig gjithashtu mbetet për t’u sqaruar.
Nagelsmann mori drejtimin e ekipit kombëtar në shtator 2023, duke zëvendësuar Hansi Flick. Por shpresat e mëdha që rrethonin atë u shuan me dështimin e radhës të Gjermanisë, që u eliminua që në fazën e parë me eliminim direkt në “Botërorin 2026”.
Por tekniku largohet nga pankina më i pasur. Ai kishte një kontratë deri në dhjetor 2028 dhe për të firmosur dorëheqjen arkëtoi 7 milion euro.
Tani e gjithë vëmendja është te pasuesi i Nagelsmann në drejtimin e “Panzerave”.
I përzgjedhuri është Jurgen Klopp. Ish trajneri i Mainz, Borussia Dortmund dhe Liverpool pritet të ulet në pankinë. Kontaktet e para me Federatën Gjermane janë realizuar, ndërsa pritet vetëm zyrtarizimi i tij.
