Një ngjarje tragjike goditi familjen shqiptare Manati, me origjinë nga Lushnja, në Jacksonville të Floridës, ku tre fëmijë hu...
SPORT
Dështon gjermania, Ekuadori dhe Bregu i Fildishtë sigurojnë kualifikimin
PiranjatPërditësimi i fundit 26 Qershor 2026, 07:22
Gjermania ka pësuar humbjen e parë në fazën e grupeve të Botërorit 2026, duke u mposhtur me rezultatin 2-1 nga Ekuadori në ndeshjen e fundit të Grupit E.
Pavarësisht disfatës, “Panzerat” arritën të ruajnë vendin e parë dhe të sigurojnë kalimin në fazën me eliminim direkt.
Skuadra gjermane e nisi sfidën në mënyrën më të mirë të mundshme, teksa Leroy Sané realizoi që në minutën e dytë të takimit.
Megjithatë, avantazhi zgjati pak, pasi Ekuadori reagoi menjëherë dhe barazoi shifrat në minutën e 9-të me anë të Angulo, i cili shënoi një gol spektakolar.
Në pjesën e dytë, ekuadorianët vijuan të kërkonin përmbysjen dhe e gjetën atë në minutën e 77-të, kur Gonzalo Plata dërgoi topin në rrjetë, duke vulosur fitoren 2-1 për përfaqësuesen e Amerikës së Jugut.
Me këtë rezultat, Gjermania e mbyll Grupin E në vendin e parë me 6 pikë. Po me 6 pikë e përfundoi edhe Bregu i Fildishtë, që renditet i dyti për shkak të golavarazhit inferior. Nga ana tjetër, Ekuadori ngjitet në kuotën e 4 pikëve dhe siguron një vend në fazën tjetër si një nga skuadrat më të mira të renditura në vendin e tretë.
Në ndeshjen tjetër të grupit, Bregu i Fildishtë triumfoi 2-0 ndaj Kurasaos. Protagonisti absolut i takimit ishte Nicolas Pépé, i cili realizoi të dy golat e sfidës dhe udhëhoqi ekipin e tij drejt kualifikimit në raundin e 1/16-ave.
