Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
SPORT
"Gjoja nuk e la Juventusi", Qeqa Krelani: Zhegrova braktisi Kosovën në dy ndeshjet më të rëndësishme
PiranjatPërditësimi i fundit 5 Shtator 2025, 13:13
Edon Zhegrova është emri më i lakuar për momentin në Kosovë, jo vetëm për transferimin e tij nga Lille te Juventus, por edhe për mungesën e tij në përfaqësuesen “dardane”.
Sulmuesi kosovar ishte pjesë e listës së trajnerit Franco Foda, por më pas gjërat kanë ndryshuar, kjo pasi lojtari nuk është bashkuar me skuadrën në grumbullim dhe nuk do të jetë i disponueshëm as për sfidën e sotme me Zvicrën dhe as me Suedinë, të vlefshme për kualifikueset e Kupës së Botës 2026.
Gazetarja sportive në Kosovë, Qeqa Krelani nëpërmjet një postimi në rjretet sociale ka shprehur hapur kritikat ndaj Edon Zhegrovës, me Krelanin që ka folur “pa doreza” për mungesën e llojtarit për dy ndeshjet e muajit shtator.
“Baba i Zhegroves thojke: “Djalin tem gjumi nuk e merr kur vjen me lujt per Kosoven, gjithmone i pari e merr aeroplanin.” E ku eshte djali sot, kur Kosova ka dy ndeshjet me te medha te historise? Me 20 milion transfer, nuk eshte problem as aeroplani privat – Pandevi i Maqedonise e pagunte per cdo grumbullim. Isak i Suedise firmosi kontrate rekord me Liverpool, ne te njejten dite kur Zhegrova firmosi me Juventus. Isak vjen me lujt ne “Fadil Vokrri” per Suedine ndersa Zhegrova nuk vjen per dy ndeshjet me te rendesishme te Kosoves. Arsytimi? “S’ka lujt 9 muaj, i duhet kohe.” Atehere pse u ftu ne liste, dhe u terhoq brenda 24 oreve?! Mos boni filma. Asnje klub nuk mundet me ta ndalu me lujt per Kombetaren kur datat jane te percaktuara nga FIFA. Edhe nese ne tribune ki me nejt, ti ketu tregon sa ta nin per Kosoven. Te gjithe lojtaret e Juventusit kane shku ne kombetaret e tyre – te lendum e t’pa lendum. Veç tek ne Messi i Kosoves ka kerku me u terheq qe me kap formen per Juventusin. Kjo ndodh vec ne Kosove – qe lojtari vjen kur do, e nuk vjen kur nuk do. Mu asesi nuk me hyn ne koke qe lojtaret tane duhet mu terheq prej grumbullimit, qe me u bo gati per ekipet e huja. Une prape them: Zhegrova eshte lojtari me i mire i 50 viteve te fundit te Kosova. Por eshte lojtari ma pa serioz, pa karakter sportiv, pa disipline, dhe interesin e klubit e ve dyfish mbi interesin e Kosoves. Skenat me flamurin e Kosoves neper Instagram-a, ky edhe plot te tjere i kane vec filma te Hollyëood-it.” – shkruan Qeqa Krelani, për një rast që vijon të jetë kryefjalë në Kosovë.
“Dardanët” do të nisin rrugëtimin e tyre në kualifikueset e Kupës së Botës 2026 sonte ndaj Zvicrës në transfertë, teksa tri ditë më pas do të luajnë në Prishtinë ndaj Suedisë.
