Pasuri me vlerë 77 milionë lekë janë vendosur nën sekuestro preventive në kuadër të hetimit të SPAK për traf...
SPORT
Kombëtarja e femrave të Francës përjashtohet nga Botërori, shkak u bë testi i gjinisë
PiranjatPërditësimi i fundit 4 Shtator 2025, 10:17
Ekipi kombëtar francez i femrave në boks është përjashtuar nga Kupa e Botës (e cila fillon sot dhe zgjat deri më 14 shtator në Liverpool) sepse testet e kërkuara për pjesëmarrëset nuk u dorëzuan në kohë.
Këtë lajm e konfirmoi vetë Federata Franceze e Boksit në një njoftim për mediet.
"Me hidhërim dhe zemërim stafi i ekipit kombëtar francez mësoi të mërkurën në mbrëmje se boksieret franceze nuk do të jenë në gjendje të marrin pjesë në kampionatin e parë botëror të organizuar nga Bota e Boksit", njoftoi Federata Franceze e Boksit.
Një vit pas polemikave të ndezura në Lojërat Olimpike të Parisit mbi feminitetin e boksieres algjeriane Imane Khelif dhe boksieres tajvaneze Lin Yu-ting, të dyja të cilat mungojnë në Liverpool, federata e re ndërkombëtare e Boksit, e bëri të detyrueshëm testimin e gjinisë në fund të majit.
Këto teste janë të ndaluara në Francë dhe federata tha se ato mund të kryheshin vetëm pas mbërritjes së delegacionit në Britaninë e Madhe.
Prandaj, ekipi kombëtar francez i femrave iu drejtua një laboratori të akredituar nga Botërori i Boksit, me garancinë, siguron federata, se rezultatet do të ishin të disponueshme brenda afatit të pritur.
“Pavarësisht kësaj, laboratori nuk ishte në gjendje të na jepte rezultatet e testeve në kohën e duhur. Kjo rezultoi në përjashtimin e atletëve tanë, si dhe të boksierëve të tjerë që u gjendën në të njëjtën situatë. Ky problem, i cili po u shkakton dëme të konsiderueshme atletëve tanë, nuk i atribuohet në asnjë mënyrë Federatës Franceze. Përkundrazi, ne jemi mobilizuar që nga fillimi për të përmbushur kërkesat e World Boxing, duke u mbështetur në angazhimet e tyre."-thuhet në njoftim./Përshtatën Piranjat.al
