Kreu i Grupit Parlamntar ka reaguar gjatë ditës së sotme pas publikimit të përgjimeve nga ish zëvendës kryeministri Arben A...
SPORT
Histori Botërori, kur brazilianit Garrinça i ofruan vajzat për nuse
PiranjatPërditësimi i fundit 24 Maj 2026, 20:18
Braziliani Garrinça u shpall futbollisti më i mirë i Kupës së Botës 1962, kur edhe arriti të udhëhiqte kombëtaren e tij te triumfi në Kupën e Botës.
Ai u prit si hero në vendlindje. Edhe pse ishte një nga futbollistët më të vlerësuar të ekipit përfaqësues, këtë herë ishte më në qendër të vëmendjes. Garrinçës i erdhën me dhjetëra oferta nga baballarë të ndryshëm, që të merrte vajzat e tyre për bashkëshorte. Në fakt, braziliani ishte i martuar, me një ish-punëtore fabrike dhe kishte plot nëntë fëmijë.
Gjithsesi, divorci me të nuk vonoi. Edhe pse u bë një nga njerëzit më të kërkuar prej femrave pas Botërorit 1962, ai e nisi një romancë pikërisht gjatë zhvillimit të turneut. Sulmuesi filloi të shoqërohej me këngëtaren Elena Soares, shumë e famshme për kohën. Ajo kishte udhëtuar drejt Kilit për të përfaqësuar Brazilin në aspektin muzikor. Pak vite më pas të dy u martuan, por që nuk zgjati për shumë kohë. Në fakt, dasma mes tyre u bë private, për shkak se Soarez ishte e martuar dhe ende nuk kishte zyrtarizuar divorcin.
Në jetën e tij, Garrinça ka pasur disa lidhje me personazhe të njohura në Brazil, ndërkohë që është martuar tre herë. Ai mësohet të ketë 14 fëmijë, edhe pse ka pretendime për më shumë.
