Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
SPORT
I dha shpullë shokut të skuadrës, kapiteni i Sakarjasporit tregon prapaskenën: “Nuk ma pasoi topin dhe më ofendoi”
PiranjatPërditësimi i fundit 27 Shtator 2025, 14:08
Një skenë e pazakontë ndodhi në ndeshjen mes Pendikspor dhe Sakarjaspor, e cila përfundoi me rezultatin 4-1. Kapiteni i Sakarjasporit, Caner Erkin, u përjashtua me karton të kuq pasi goditi me shpullë shokun e skuadrës, Burak Altiparmak.
Për herë të parë, Erkin ka treguar prapaskenën e incidentit që bëri bujë në mediat sportive. Ai tha se gjithçka nisi nga një mosmarrëveshje në fushë:
"Reagova me mërzitje sepse bashkëlojtari im, Burak Altiparmak, nuk ma pasoi topin pasi hyri në një aksion gjatë ndeshjes. Pas kësaj, ai më ofendoi disa herë, edhe në momentin kur po shkoja për të ekzekutuar një goditje këndi. Kur u ktheva dhe u përballa me të, reagova me një veprim të papërshtatshëm për mua dhe karrierën time."
Kapiteni shtoi se ndihet i penduar dhe kërkoi falje tifozëve:
"Si kapiten i ekipit, nuk duhej ta lejoja që një debat i tillë të arrinte në këtë pikë dhe nuk duhej ta lija ekipin tim vetëm në fushë për këtë arsye. I dashur komunitet i Sakarjasporit, dua të shpreh trishtimin tim të thellë ndaj këtij incidenti."
Ky episod ka lënë shije të hidhur te tifozët e klubit turk, ndërsa pritet të shihet nëse do të ketë pasoja të mëtejshme disiplinore për lojtarin.
