Dy persona janë plagosur me armë zjarri mbrëmjen e sotme në zonën e Laprakës në Tiranë.
Ngjarja dyshohet se ka ndodhur ...
SPORT
Kanë marrë tre fitore radhazi në kampionat, ja skuadra e Kategorisë së Parë që FIFA i ka bllokuar merkaton
PiranjatPërditësimi i fundit 12 Nëntor 2025, 10:17
Kastrioti po kalon një periudhë shumë pozitive në kampionat. Në tre javët e fundit, skuadra e drejtuar nga trajneri Ramadan Ndreu ka marrë tri fitore radhazi, duke grumbulluar 9 pikë në 270 minutat e fundit.
Kjo seri suksesi e ka ngjitur ekipin krutan në vendin e tetë të renditjes me 13 pikë, duke lënë pas periudhën e krizës. Tani, objektivi i Kastriotit është që të ruajë këtë ritëm edhe në fazën e dytë të kampionatit dhe të vazhdojë ngjitjen në tabelë. Megjithatë, pavarësisht ecurisë pozitive, krutanët kanë përpara një problem administrativ që mund t’u krijojë pengesa në merkaton e dimrit. Sipas sistemit të federimeve të FIFA-s, klubi figuron i bllokuar për shkak të detyrimeve financiare ndaj dy ish-futbollistëve.
Derisa të shlyhen këto borxhe, Kastrioti nuk mund të kryejë asnjë afrim të ri. Gjithsesi, drejtuesit janë optimistë për ta zgjidhur situatën në kohë, ashtu si në verë, kur ekipi arriti të kryente disa afrime cilësore pas zhbllokimit. Deri atëherë, fokusi mbetet tek fushata aktuale dhe ruajtja e formës së shkëlqyer që ka rikthyer qetësinë në kampin krutan.
