Kryeministri Edi Rama ka vijuar sulmet ndaj protestuesve që prej javësh janë mbledhur në Tiranë kundër qeverisë së tij...
SPORT
Klop shpërthen pas thashethemeve të fundit: Trajner tek Reali? Mos shkruani budallallëqe, ndoshta inteligjenca artificiale…
PiranjatPërditësimi i fundit 24 Mars 2026, 11:55
Thashethemet rreth rikthimit të mundshëm në trajnim të Jyrgen Klop kanë qarkulluar në të gjithë Europën ditët e fundit, por gjerman ka vendosur të ndërhyjë personalisht për të mohuar gjithçka, madje duke shprehur njëfarë irritimi ndaj raportimeve.
Fillimisht i lidhur me Real Madridin dhe më pas edhe me Atletiko Madridin, ish-trajneri i Liverpulit ka hedhur poshtë me vendosmëri çdo sugjerim, duke drejtuar gishtin nga ata që përhapin thashetheme.
“Po, është vërtet pozitive që po flasim për këtë… por ku është lajmi? Nëse dikush merr një copë letër dhe shkruan diçka në të, a bëhet automatikisht e vërtetë? Si mund të ketë një situatë ku Real Madridi më telefonon dhe më thotë, ‘Jyrgen, a mund ta bësh këtë?’ komentoi ai me polemikë.
Nuk e di nëse është inteligjenca artificiale apo njerëzit pas saj, por këto ditë mund të shkruash çdo gjë dhe pastaj më takon mua ta mohoj.
Duhet të disiplinoheni, të krijoni një kod dhe të ndaloni së shkruari budallallëqe. Nëse Real Madridi do të kishte telefonuar, do ta dinim. Ata nuk na kanë telefonuar as edhe një herë, dhe as agjenti im nuk ka marrë asgjë. Kjo ka ndodhur për një kohë shumë të gjatë. Edhe për stolin e Atletikos në të njëjtën kohë. Më jepni hapësirë, sepse ndonjëherë duket sikur disa gjëra kruhen vetëm për t’i bërë njerëzit të flasin”, përfundoi Klop.
