“Mos e prek Memaliajn!” Me këtë mesazh dhe pankarta në duar, banorë të Memaliajt dolën në aksin kryesor që l...
SPORT
Mbrojtësi i Kosovës, Hadërgjonaj: Ëndërrojmë Botërorin, Turqia është si shtëpia ime
PiranjatPërditësimi i fundit 30 Mars 2026, 12:45
Florent Hadërgjonaj ka folur për mediat turke në prag të ndeshjes finale të “play off”-it Kosovë-Turqi.
Mbrojtësi i “Dardanëve”, i aktivizuar në fund ndaj Sllovakisë, konfirmoi lidhjen e tij me Turqinë: “Kam luajtur këtu për 6 vite. Ky vend tashmë ndihet si shtëpi, dhe të dy fëmijët e mi kanë lindur këtu”. Aktualisht, Hadërgjonaj luan me Alanyaspor në Superligën turke. Ai theksoi se Kombëtarja e Kosovës është e gatshme për finalen e “play off”-it dhe ka mbërritur këtu me meritë. “Është sfida më e rëndësishme në karrierën time. Të luajmë këtë finale është ëndërr e bërë realitet”, u shpreh mbrojtësi për “A Spor”.
Hadërgjonaj shtoi se të gjithë lojtarët janë tepër të emocionuar dhe kanë besuar në vetën e tyre që nga fillimi. “Punuam shumë për të arritur këtu dhe e meritojmë këtë finale. Shanset janë gjithmonë 50-50, por ne besojmë te vetja jonë”.
Ai nuk i fshehu admirimin për futbollistët turq: “Arda Guler, Hakan Çalhanoglu dhe Kenan Jýldýz janë lojtarët më të mirë, por kjo nuk ndryshon finalen”. Në fund, Hadërgjonaj riktheu fokusin te ëndrra e tij dhe të ekipit: “Në fund të ditës, ëndrra ime është të kualifikohemi në Kupën e Botës me Kosovën”. Finalja e “play off”-it do të luhet të martën, ku “Dardanët” synojnë historinë e tyre në Botëror.
